Në foto: MAGGIE CLEVELAND





Në foto: CHAD PARENTEAU

Në foto: IAN THAI

Në foto: Poeti ARTUR VREKAJ

"Një ditë me shkrimtarët në Uster", ishte titulluar veprimtaria që shoqata "Bleta" projektoi në bashkëpunim me disa  shoqata të tjera atdhetare e kulturore shqiptaro amerikane me rastin e festimeve të 100 vjetorit të Pavarësisë së Shqipërisë, të Shtunën më 13 Tetor, 2012.

 

Në foto: Shkrimtari i mirënjohur SKIFTER KËLLIÇI



Në foto: Shkrimtarja ROZI THEOHARI

Në bibliotekën e qytetit pjesëmarrësit e interesuar patën mundësi të vizitojnë këndet e larmishme me foto, pikturë,libra dhe të njihen e bisedojnë edhe me grupin e gjerë të autorëve të letrave në shqip dhe anglisht. Historia, poezia, romani, përkthimet dhe rrjeti i bashkëpunimit në internet ishin pjesa kryesore mbi të cilat u njohën të pranishmit.

Përshëndetën këtë veprimtari dhe nisëm bashkëorganizatorët, Dhimitri Skende ( kryetar i Shoqatës Bleta), Rezarta Reso dhe Frankli Zdruli. Mbi historinë e Shoqatës "Bleta", veprimtarinë patriotike të dardharëve, lidhjet me figurat e Fan S.Nolit, Sotir Peci, Spriridon Ilo, William Gregory, Spiro Konda,Thimi Raci etj. e drejtoi për të pranishmit z. Sotir Pani. Në vijim për më shumë njohje me Dardhën, natyrën ,traditën dhe ndryshimet u paraqit në ekran një material fotografik-arkivë në vite e fotografit Niko Stefani (fotograf i njohur i ATSH-së), kujdesur nga Adriana Stefani dhe përgatitur nga Ina Zdruli.

Në foto: LORETA CHASE - ÇEKANI



Në foto: ZHANI LITO

Pas këtyre minutave, takimi i la vendin fjalës së autoreve dhe prezantuesve së botimeve. Duke renditur këtë përmbajtje Zhani Lito paraqiti jetën dhe veprimtarinë e patriotit "Kristo Kirka"  shkruar nga Uran Butka. Shqiptaro-amerikania Loreta Chase Çekani, studiuese në fushën e historisë tregoi lidhjet e saj me Shqipërinë dhe vlerat që sjellin tregues të traditës, zakonet, veshjet, jeta e njerzve të thjeshtë në kulturën e një populli. Artur Vrekaj paraqiti lidhjen me poezinë në botimin e tij "Dashuri që më kthen pas". Rozi Theohari në botimin e saj të fundit poetik në anglisht  "Më lër jashtë dorën e djathtë" ("Do leave out my right hand"). Skifter Këlliçi në njohjen me romanet  "Dashuri e Gdhendur në Shkëmb" frymëzuar nga shkrimet e Bilal Xhaferrit si dhe me ribotimin e romanit "Atentat në Paris" dhe ai i vitit të kaluar "Shtatori i Gjëmës së Madhe".

Ndërsa grupi interesant i autorëve amerikanë që para pak kohësh konkretizuan një projekt me Lidhjen e Shkrimtarëve të Kosovës mbi Antologjinë e Poezisë Amerikane, (përkthime në shqip të Tingujt e Erës Lirikë e Re amerikane me kontributin e Lediana Stillo, libri do të përdoret si tekst në Universitetin Kosovës për lëndën e përkthimit),  u paraqit me Ian Thal, Chad Parenteau dhe Maggie Cleveland. Gjithashtu këta autorë lexuan poezitë e tyre si dhe përshtatjen në shqip të cilat treguan një tingëllim vërtetë bashkëkohës mes jetës së krijuesve pavarësisht nga përkatësia e vendeve nga ata vijnë.

Kujtime dhe përvojë pune pedagogjike solli z. Niko Dako me "Bota e Mësuesit" duke berë të njohur dhe ndihmesën e tij në fushën e redaktimit të krijimeve të disa autorëve shqiptarë.

Rezarta Reso tregoi më shumë për jetën e saj dhe frymëzimet që nga puna me përkthimin "Kujtimet e një Gejshe" do të beheshin shtysa e krijimeve të tregimeve  "Histori Dashurie".

Aida Bode u paraqit me botën e saj  artistike përmes romanit "Davidi dhe Bathsheba"dhe poezitë "Porti i Perëndimit".

Një tjetër shqiptaro-amerikan, Jonathan Michael që tregoi se ne duhet ta bëjmë të njohur shqipërine dhe shqiptarët përmes shkrimeve ka botuar  novelën  "Rebeli pa emër" ("Anonymous Sedition").

 Aurora Minga që ushtron profesionin e mesueses ka si prirje në linjën e saj poetike "Dashurinë" dhe shprehet se pavarësisht nga trazirat, lufta dhe kriza që sot bota po kalon, dashuria dhe duke i "kënduar" asaj do të jetë shërimi. Po kështu, por duke portretizuar veten dhe botën e saj shirtërore

Zara Dedi është e lidhur  me poezinë dhe krijon e boton në shqip e anglisht.

Carol Laska  librin me rectat e gatimit- kuzhina shqiptare "Albanian Cookbook". E tregoi si një përpjekje të grave shqiptaro-amerikane për të ruajtur traditën dhe shkëmbyer atë me vendin ku jetojmë.

 Skënder Kodra e përcjell njohjen e tij si poet nga shkrimet e mëparshme kur reciton "Vjeshtën në Uster" dhe "Veteranin"dhe pas tij Fuat Memeli me mbresat poetike të vendlindjes. Për rastësi 13 Tetori, përkoi me ditëlindjen e Dritëro Agollit të cilën e solli në kujtesë dhe e përshëndeti z.S.Kodra, ndërsa për të mos harruar se po nga zona e Korçës dhe saktësisht Dardhën, z.F.Memeli përshëndeti dhe i uroi jetë të gjatë shkrimtarit tjetër të njohur Teodor Laço.

  Mbyllja e takimit iu kushtua një fotografie në grup të pjesëmarrësve, shqiptarë dhe amerikanë që zbuluan një njohje më shumë për veten e tyre, mes njëri-tjetrit përmes historisë dhe shrimeve.Këto janë fakte që tregojnë një lidhje të qendrueshme dhe dashuri që e kalojnë edhe një shekull, janë mbajtur si tarshigimi në breza dhe vijnë përsëri të freskëta për Shqipërinë në 100 vjetorin e Pavarësise së saj dhe njëkohësisht mirënjohjes për SHBA-në.

 

Në foto: SOTIR PANI

Veprimtaria që zgjati rreth 4 orë kishte kujdesin dhe mbështetjen e Shoqatave Bleta, AANO, Kombi, MassBesa, Gruaja Shqiptare dhe disa individëve si Nensi Kapstik, Sterjo Shkodrani që mjediset e bibliotekës së qytetit të Usterit i zbukuruan hijshëm dhe zgjuan interesimin e mjaft pjesëmarrësve

A. Murraj, Uster 13 Tetor, 2012

Rating (Votes: )

Comments (0)

Dërgoja shokut

Printo

---