SHTËPIA E BARDHË - TWITTERI KUBAN, PROJEKT ZHVILLIMI
E Premte, 04.04.2014, 07:29am (GMT+1)
Shtëpia e Bardhë thotë se i ashtu-quajturi rrjeti i komunikimeve "Twitteri Kuban", i krijuar nga qeveria amerikane, ishte një program për zhvillim dhe jo një operacion i fshehtë spiunazhi. Zëdhënësi i Shtëpisë së Bardhë Jay Carney bëri dje komente mbi programin, në përgjigje të një artikulli nga agjencia e lajmeve Associated Press. Zoti Carney tha se programi përfundoi më 2012. Sipas zëdhënësit, Shtetet e Bashkuara tregohen të kujdesshme kur veprojnë në mjedise jo tolerante si Kuba, në mënyrë që të mbrojnë personat e përfshirë në program dhe publikun e gjerë. Artikulli i agjencisë së lajmeve Associated Press thotë se qeveria amerikane kishte financuar fshehurazi faqen e komunikimeve sociale Twitter për përdoruesit kubanë, në përpjekje për të nxitur trazira politike dhe për të minuar qeverinë komuniste të këtij vendi-ishull. (za)
www.voal-online.ch
|