Presidentja e Republikës së Kosovës, zonja Atifete Jahjaga priti sot një delegacion të Shoqatës së Veteranëve të Luftës Antifashiste Nacional-Çlirimtare të Kosovës, të përbërë nga zonja Vahide Hoxha dhe zotëri Vehap Shita. Delegacioni e përgëzoi presidenten për zgjedhjen në krye të vendit, duke i dëshiruar sukses në punën e saj.

Ilirian Agolli, Tiranë | Zëri i Amerikës E martë, 17 Maj 2011 - Komisioni Qendror i Zgjedhjeve shtyu dy herë dhe në fund pezulloi mbledhjen e vet të radhës, ku pritej të diskutohej për rezultatet e zgjedhjeve vendore të Tiranës. Mbledhja e njoftuar pritej të diskutonte se çfarë do të bëhej me fletët e rregullta të votave për kryetarin e bashkisë të hedhura gabim në kutitë e këshilltarëve.

Kryetari i KQZ, Arben Ristani, pezulloi mbledhjen sepse siç u shpreh ai, "salla e mbledhjeve u pushtua nga deputetët socialistët, të cilët bënin zhurmë duke përplasur këmbët në dysheme dhe duke hedhur fjalë fyese drejt komisionerëve. Ky është një presion i hapur politik, dhe në këto kushte KQZ nuk mund të punojë i qetë. Puna në KQZ do të rikthehet, sapo të vendoset rregull në sallën e mbledhjeve" - tha ai.

Ndërkaq deputeti i Partisë Socialiste, Fatmir Xhafa, tha se ligjvënësit opozitarë erdhën të ndjekin nga afër mbledhjen, për të penguar ndryshimin e rezultatit të Tiranës, dhe për të parë diskutimet mbi një projekt-vendim rreth mënyrës se si do të trajtohen fletët e votimit për kryetar të gjetura në kutitë me ngjyra të tjera".

Pamje nga zgjedhjet e 8 majit në Shqipëri.

17.05.2011 - Radio Evropa e Lirë - Ambasadori i Shteteve të Bashkuara në Shqipëri, ai i Bashkimit Evropian dhe i Organizatës për Siguri dhe Bashkëpunim në Evropë kanë bërë thirrje për qartësi të rezultatit të zgjedhjeve për Tiranën.

Presidentja Jahjaga priti një delegacion të Universitetit të Prishtinës

Presidentja e Republikës së Kosovës, zonja Atifete Jahjaga, priti sot një delegacion të Universitetit të Prishtinës, të udhëhequr nga rektori i Universitetit dr. Mujë Rugova. Rektori i Universitetit, dr. Mujë Rugova, e përgëzoi presidenten për zgjedhjen në krye të vendit. Ai tha se Universiteti i Prishtinës po punon për ofrimin e mundësive më të mëdha dhe më të mira për të gjithë studentët e tij.

Presidentja Jahjaga e falënderoi delegacionin e UP-së dhe shprehu përkrahjen e saj të vazhdueshme për punën e profesorëve dhe të studentëve.

Beograd, 17 maj 2011 - Komuniteti ndërkombëtar po i shqyrton tri opsione si rezultat i mundshëm i marrëveshjes së Beogradit dhe Prishtinës: ndarjen e Kosovës, status kuon dhe aplikimin e modelit të dy Gjermanive, por që Beogradi nuk do ta njihte Kosovën, ndërsa Prishtina nuk do të kishte ulëse në OKB, ka thënë një burim i qeverisë serbe për gazetën "Blic".

KQZ miratoi mbrëmë vetëm protokollin se si do të bashkojë në një tabelë të vetme 11 tabelat e rezultateve të votimit nga 11 njësitë bashkiake të Tiranës. Kjo procedurë u miratua me votat e gjithë antarëve të KQZ dhe pritet t’u lehtësojë punën sekretarisë teknike të këtij komisioni. Përveç këtij dokumenti, as nga kjo mbledhje nuk doli ndonjë rezultat përfundimtar për zgjedhjet që qytetarët e Tiranës kanë bërë për kryetarin e bashkisë së tyre. Partia Socialiste po kërkon që KQZ të miratojë tabelat me rezultatet përfundimtare, ku sipas saj, fitues është kandidati Edi Rama. Ndërsa Partia Demokratike kërkon të merret në shqyrtim edhe fletët e rregullta të votimit që janë hedhur gabimisht në kutitë me ngjyra të tjera.

Tiranë, 17 maj - Ylli i famshëm i hip-hopit Kanye West është në lidhje me bukuroshen shqiptare Angela Martini. West ishte ndarë nga modelja Amber Rose vitin e kaluar. Edhe pse mediet botërore kanë raportuar se ai është parë duke flirtuar me shumë bukuroshe me famë botërore duket se ai më në fund është rehatuar. Ai ka gjetur dashurinë dhe qetësinë shpirtërore tek bukuroshja shqiptare, 24 vjeçarja Angela Martini, e cila ishte kurorëzuar Miss Universe Albania vitin e kaluar.

Javën e kaluar gangsterë ekstremistë të djathtë sulmuan në Athinë emigrantë me ngjyrë të errët lëkure. Vetëm të martën, në përleshje u plagosën më shumë se 20 vetë, një burrë nga Sri Lanka u vra me thikë nga të panjohur. Politika duket e mbingarkuar me situatën.

Prishtinë, 17 maj – Ish-kryetari i Gjykatës Ushtarake të UÇK-së, Sokol Dobruna, e pranon publikisht se e ka gjykuar kryetarin aktual të Suharekës, Blerim Kuçi, dhe e ka dënuar me pushkatim. Në një intervistë ekskluzive për "Kohën Ditore", ish-udhëheqësi i Shërbimit Juridik të Ushtrisë Çlirimtare të Kosovës, në kuadër të të cilit shërbim ka funksionuar edhe gjykata, thotë se arsyeja pse e kishte dënuar me pushkatim Kuçin ishte dezertimi nga ushtria.

Beograd, 17 maj - Carla del Ponte thotë se ajo është e gatshme që të marrë përsipër hetimin e pavarur rreth dyshimeve për trafikim organesh në Kosovë.