Voal-online - Zvicra nuk ka ndërmend ta denoncojë Konventën Evropiane të të Drejtave të Njeriut, siç kërkonte një akt parlamentar i Toni Brunnerit, pas dy vendimeve të Gjykatës së Strasburgut negative për Konfederatën, lidhur me përzënien e një shpërndarësi nigerian droge dhe normave për vetëvrasjen e ndihmuar.

Nëse do të hiqte dorë nga Konventa, Berna do të humbte besimin dhe do të përjashtohej nga Këshilli i Evropës. Katalogi i të drejtave themelore do të mbetetj gjithsesi në fuqi, shpjegon Qeveria në përgjigjen e saj dhënë kryetarit të SVP. Kjo e fundit, për t'ia arritur qëllimit, mundet të ndërmarrë një iniciativë popullore. Të vjen keq për faktin se gjykatësit ia diktojnë gjithnjë e më shumë legjislacionin Parlamentit dhe popullit helvet.

Shifrat në duart e Këshillit Federal megjithatë japin një përshtypje tjetër: Strasburgu nga viti 1974 në vitin 2012 është ftuar të japë gjykimin në 5'502 raste që i përkasin Zvicrës, nga të cilat iu është dhënë e drejtë vetëm 87 rasteve, pra 1,6% të tërësisë.