Kur Hollywood ka nevojë për një aktore shumë të re dhe të zonjën e të aftë që të përballë lartësinë e kolegëve të rritur e të famshëm, emri i Dakota Fanning është i pari në listë. Vogëlushe kur ka luajtur üranë Harrison Ford e Michelle Pfeiffer në trillerin "Le veritànascoste", Fanning i ka bërë të gjithë për vete në rolet e bijës së Tom Cruise në "Star Wars" të Steven Spielberg e të Sean Penn në "I Am Sam". Tani, kur sapo i ka mbushur 15 vjet, aktorja e re amerikane është në ekranin e madh si protagoniste e filmit dramë "The Secret Life of Bees", pranë diveve të muzikës të kalibriz të Queen Latifah, Jennifer Hudson e Alicia Keys, e të filmit policor "Push", me Chris Evans.
Fëmija hirplote e njomë si qumësht, me flokët tejet bjondë dhe sytë e kaltër është rritur në ekran dhe shumë janë ata që e krahasojnë me Jodie Foster, e cila ishte 13 vjeçe kur u shfaq me "Taxi Driver". Në ndryshim nga shumë prej bashkëmoshatarëve të saj të bërë rrufeshëm famozë dhe pastaj të rënë në grackën e popullaritetit, Fanning nuk ka krijuar kurrë skandale dhe është mishërim i një profesionaliteti solid.
PYETJE: Dakota, nuk ka aktor në Hollywood që të mos e lavdërojë profesionalitetin tuaj. Cili është sekreti juaj?
DAKOTA FANNING: "Nuk mendoj se zotëroj sekrete. Mund të them vetëm se më pëlqen pa masë të aktroj dhe të qëndroj në sheshin e xhirimit. Aktorj prej kur isha gjashtë vjeçe. Zhytem vetvetishëm në një rol përballë makinës së xhirimit, a thua se ndodhem vetëm për vetëm, përpara pasqyrës. Përfshihem e tëra brenda personazhit, por kur regjisori më thot "stop" kthehem menjëherë tek vetvetja ime."
PYETJE: Në filmin "Life of Bees" (Jeta e bletëve) keni realizuar skenën e parë të një puthjeje në jetën tuaj. A keni pasur probleme?
DAKOTA FANNING: "Kurrsesi. Me Tristan Wilds ishim prej kohësh miq dhe kur ka arritur çasti për të xhiruar skenën e puthjes jemi ndjerë në mënyrë të përkryer me njëri tjetrin. E pastaj...nuk ishte puthja ime e parë në ekran, ndoshta ishte puthja më serioze dhe më romantike."
PYETJE: Kinemaja ju ka rrëmbyer ndonjë gjë nga fëmijëria juaj?
DAKOTA FANNING: "Nuk besoj. Kam arritur gjithmonë t'i vazhdojë mësimet në shkollë dhe tani e vazhdoj rregullisht liceun. Jam cheerleader (një anëtare e një ekipi vajzash të cilat realizojnë duartrokitje, brohoritje, këngë dhe kërcime në përkrahje të një skuadre sporti në ndeshje në SHBA dhe gjetkë- shënimi i përkthimit) për skuadrën e futbollir të shkollës sonë. Më pëlqen të vrapoj me kuaj dhe kur nuk punoj e kaloj kohën me miqtë e mi dhe me familjen time. E sidomos lexoj, gjithmonë kam lexuar dhe lexoj. Kaloj netë të tëra duke lexuar, pa vënë gjumë në sy."
PYETJE: Si i zgjidhni filmat ku luani?
DAKOTA FANNING: "E ndjek instiktin kur lexoj një skenar. Kur e ndjej se projekti mund të jetë një film i cili mua do të më pëlqente ta shikoja, atëherë e pranoj rolin. Nëse e ndjej se personazhi nuk më shkon për shtat, nuk e pranoj. I ndjek edhe këshillat e mamasë, të menaxherit tim dhe të agjentit tim, natyrisht. Por pasi ua kam marrë mendimet të gjithëve këtyre, atëherë vendos vetëm unë."
PYETJE: Cili yll i Hollywood-it ju ka pëlqyer më shumë?
DAKOTA FANNING: "Kam një dobësi të veçantë për Tom Cruise, i cili në sheshin e xhirimit të "Star Wars" ka qenë për mua baba i vërtetë dhe i mirëfilltë. Kam dobësi të veçantë edhe për Chris Evans, i cili edhe pse është 15 vjet më i madh se unë më ka trajtuar si të barabartë, si një motër. Po unë kam mësuar prej të gjithëve. Kam mësuar sidomos rëndësinë e disiplinës dhe të bukurisë së realizimit të ëndërrave vetjake. Ja, unë ëndërroj edhe të bëhem një ditë regjisore, dhe jam e sigurtë se do të bëhem."/Elida BUÇPAPAJ
Comments (0)
Dërgoja shokut
Printo
