VOAL - Online Zëri i Shqiptarëve - AMBASADORI REEKER E LË NË FUND EDI RAMËN DUKE I DHËNË MESAZHE TË QARTA POLITIKËS - OSE KRYENI REFORMAT, OSE IKNI!Reeker takohet me kryetarin e bashkisë së Kasharit përpara se me liderin e opozitës RamaNga ELIDA BUÇPAPAJ&

Në momentin e fundit, pak përpara se të nisej për në Prishtinë, kur shumëkush kishte menduar se Zëvendës Ndihmës Sekretari amerikan i Shtetit për Çështje të Europës dhe Euroazisë, Philip Reeker nuk do të takohej me liderin e opozitës, Ambasadori Reeker takohet me Edi Ramën, sipas atij proverbit shekspirian "the last but not the least" "i fundit por jo më pak i rëndësishëm".

Ambasadori Reeker për pesë ditë sa zgjati vizita e tij zyrtare në Shqipëri pati një axhendë shumë të pasur, të cilës Ambasada Amerikane në Tiranë i bëri një pasqyrim të plotë në Facebook. Ai pati takime me krerët e institucioneve, Presidentin e Republikës, Kryeministrin e Shqipërisë, ministrin e Jashtëm, ministrin e Brendshëm, kryeprokuroren Ina Rama, kryetarin e bashkisë së Tiranës, me ministrin e Mbrotjes Arben Imami shkoi në Uzinën e Lëndëve Plasëse në Mjekës, Elbasan, për të ndjekur nga afër procesin e demontimit të municioneve të tepërta, i cili duhet të përfundojë brenda vitit 2013. Po ashtu gjatë vizitës në Elbasan u takua me vullnetarët e Trupave të Paqes.

Me ministrin e Brendshëm në bordin e varkës së Policisë Kufitare, Ambasadori Reeker shkoi drejt Gadishullit të Karaburunit. Po ashtu bëri një vizitë në Kompleksin Delta Force, Vlorë. Në Kashar Ambasadori Reeker u takua me kryetarin e bashkisë dhe mbushi shishe plastike me rërë sipas një plani të Universitetit POLIS me Komunën Kashar për të ndërtuar një strehë autobusi nga shishet plastike të mbushura me rërë.

Po ashtu u takua me Metën, me përfaqësuesit e FRD-së dhe Aleancës "Kuqezi", madje i dha edhe një intervistë Bugajskit për mbrëmjen e së djelës, 9 shtator në orën 19:30.

Dhe takimi i fundit ishte me Edi Ramën. Merreni me mend pesë ditë në Shqipëri, Ambasadori Reeker nuk lë njeri pa takuar, e takon edhe kryetarin e bashkisë së Kasharit përpara, dhe Edi Ramën e lë në fund. Një sinjal i fortë alarmi jo vetëm për Edi Ramën, por për të gjithë klasën politike të Tiranës zyrtare.

Në gjuhën diplomatike lënie në fund e takimit me Edi Ramën duhet të ketë një kuptim shumë domethënës. Kjo si përgjigje adekuate e anashkalimit të 6 gushtit, kur do të duhej të votohej heqja e imunitetit. Domethënien duhet ta dijë vetë lideri i opozitës më mirë se ne të gjithë. Kam përshtypjen se edhe deklarimi më i fundit i Ed Ramës në lidhje me imunitetin, ku pikërisht në cilësinë e liderit të opozitës premtoi se do të votonte në parlament pa kushte, duket se ka lidhje me vizitën e Ambasadori Reeker në Tiranë.

Një gjë është e qartë se nëse Reeker nuk do të takohej me Ed Ramën në vizitën e tij pesëditore, kjo për Ed Ramën do të ishte fundi i tij politik. Por Ambasadori Reeker e takoi dhe për Ed Ramën ky është një shans për të mbetur në politikë, por me kusht që shqiptarët të ecin përpara, sepse barriera kryesore e ngecjes në vend është klasa politike, janë politikanët ata që pengojnë reformat.

Në konferencën e përbashkët për shtyp që pamë "live" nga selia e Partisë Socialiste, Ambasadori Reeker i bëri apel të qartë politikës, të gjithëve, pa përjashtime, shkurt dhe pa ekuivoke: "Votoni imunitetin, përfundoni reformat".

Ambasadori Reeker vendosi në fokus se: "kalimi i ligjit për heqjen e imuniteti, miratimi i ligjit për Gjykatën e Lartë dhe atij të Reformës Parlamentare", kjo është rruga, në të cilën duhet të ecë Shqipëria.

Mesazh të qartë mori edhe kryeministri i Shqipërisë, sipas atij proverbit shqiptar, "i bie pragut të dëgjojë dera". Imuniteti nuk do të kalojë nëpër referendum, një arsye për të vazhduar e humbur kohë, por në parlament, sepse nëse në Parlament nuk kalojnë ligje dhe reforma, e përse e hanë bukën deputetët e Shqipërisë, për të çuar fundjavët nëpër vilat e tyre luksoze në plazhet më moderne të Shqipërisë, apo për t'i shërbyer popullit, prej votës të të cilit i kanë karriket dhe privilegjet. Misioni i politikanëve nuk është që të jenë pengesë për ecurinë e reformave, siç kanë qenë këta 22 vjet politikanët e Shqipërisë, duke e bërë tranzicionin një torturë të vërtetë, ndërsa detyra e tyre është që me përkushtim ta ndërtojnë shtetin ligjor, i cili në Shqipëri, lë aq për të dëshiruar.

REPLIKË ME TË GJITHË ATA QË I KONSIDEROJNË LIDERËT SHQIPTARË TË PAGABUESHËM!
Nga ELIDA BUÇPAPAJ
E Premte, 08.17.2012, 09:41am

VIKTIMAT E KOMUNIZMIT, MBETUR PA VARR E DREJTËSI, AKUZOJNË KLASËN POLITIKE SHQIPTARE
Nga ELIDA BUÇPAPAJ
E Mërkurë, 08.15.2012, 09:26am

SHKARKIMI I SHEFIT TË SHISH VEPRIM AUTODESTRUKTIV I SHEFIT TË EKZEKUTIVIT TË SHQIPËRISË
Nga ELIDA BUÇPAPAJ

E Premte, 08.10.2012, 10:16am

KA ARDHUR KOHA TË NDËSHKOHET KJO KLASË POLITIKE MIZERABËL!
Nga ELIDA BUÇPAPAJ
E Martë, 08.07.2012, 11:20am

PO NUK VOTUAN MË 6 GUSHT, ED RAMA « OUTSIDER »- PS DEL NË PENSION
Nga ELIDA BUÇPAPAJ
E Shtunë, 08.04.2012, 10:08am

MISTER, HESHTJE E PLOT PIKËPYETJE PËR VDEKJEN TRAGJIKE TË ALI PODRIMJES - SALI BERISHA DO TË DUHEJ TË ISHTE NË KONTAKT PREJ TË MARTËS ME PRESIDENTIN HOLLANDE Nga ELIDA BUÇPAPAJ
E Djelë, 07.22.2012, 10:56am

Çdo ditë një temë NËSE PS NUK VOTON MË 6 GUSHT, EDI RAMA BËHET « HARAKIRI » Nga ELIDA BUÇPAPAJ
E Martë, 07.17.2012, 12:31pm

Çdo ditë një temë
DORËZONI IMUNITETIN
Nga ELIDA BUÇPAPAJ

E Hënë, 07.16.2012, 09:57am

Çdo ditë një temë
MIMOZA KUSARJA
Nga ELIDA BUÇPAPAJ

Çdo ditë një temë JASHTË RRUGAÇËT NGA PARLAMENTI I SHQIPËRISË
-Si mund të tolerojmë që fyhet një nënë shqiptare si « rrugaçe »
Nga ELIDA BUÇPAPAJ

In Memoriam BEKIM FEHMIU NUK KA NEVOJË PËR LOTË KROKODILËSH Nga ELIDA BUÇPAPAJ
E Martë, 06.05.2012, 07:34am

SHQIPËRISË I DUHET PRESIDENTI NË MËNYRË EKSPLICITE SIPAS PROFILIT TË JOACHIM GAUCK Nga ELIDA BUÇPAPAJ
E Enjte, 05.17.2012, 02:07pm