VOAL - Online Zëri i Shqiptarëve - NË SHQIPËRI MONSTRAT KANË GLLABËRUAR MEDIAT E LIRINË E SHPREHJES â€“ GAZETARËT MJERISHT JANË BËRË ZËDHËNËS TË TYRENga ELIDA BUÇPAPAJ

Liria e shprehjes është një e drejtë themelore e njeriut e garantuar nga çdo kushtetutë e një vendi demokratik. Kështu rezulton të jetë edhe në Kushtetutën e Republikës të Shqipërisë, me shkrim, por de facto nuk është e vërtetë.

Në mediat e shkruara dhe vizive si dhe botën multimediale liria e shprehjes është e prangosur. Në Shqipëri ka censurë, autocensurë, kontroll të mediave nga politika dhe oligarkët e rinj, të cilët i përdorin mediat e tyre për të larguar vëmendjen nga temat kryesore të ditës duke ushtruar presion dhe dhunë psikologjike përmes gazetarisë horror të kronikës së zezë.

Shtypi i lirë në një shoqëri demokratike duhet të jetë zëdhënës i opinionit publik. Në Shqipëri shtypi dhe massmediat janë zëdhënës të monstrave, kriminelëve perversë të cilët pushtojnë gazetat që në faqet e para, dhe po ashtu pushtojnë kohën fizike të publikut nëpër televizionet e shumta.

Merreni me mend, aktualisht në Shqipëri botohen rreth 30 gazeta të përditëshme dhe ka dhjetëra televizione private, të cilat janë duke e sëmurur psiqikisht shoqërinë shqiptare përmes një gazetarie e cila po e inkriminon veten e saj për çdo ditë.

Akuzë e fortë, por e vërtetë. Mjafton, që të shfletohen faqet e gazetave dhe të monitorohen prurjet nga ekranet televizive për të parë se koha për publikun është e pushtuar ose uzurpuar nga manjakët seksualë, perversët, kriminelët, ish-eksponentët e diktaturës komuniste e trashëgimtarët e tyre.

Prandaj them se në Shqipëri monstrat kanë gllabëruar lirinë e shprehjes, ndërsa gazetarët, mjerisht janë bërë zëdhënës të tyre.

Pjesën tjetër dhe hapësirat e tjera i kanë politikanët. Për opinionin publik nuk ka vend.

Në hapësirat e gazetave të Shqipërisë dhe mediumeve vizive nuk ka vend as për shqetësimet e opinionit publik dhe as për gazetarë profesionistë.

Që të punosh në këto gazeta dhe televizione duhet ose të zbatosh urdhërat e oligarkëve ku opinionistët marrin rroga të majme ose këta syresh të mbeten pa llukset e tyre.

Që të botosh nëpër gazetat e Tiranës ose duhet të bëhesh tellall i fitoreve të partisë ose duhet të heqësh dorë nga profesioni e të mbetesh pa punë.

Që të botosh në gazetat e Tiranës ose duhet të të japë bekimin kryetari i partisë, të të bekojë ai si opinionist apo analist ose mbetesh pa punë.

Që të botosh në gazetat e Tiranës dhe të jesh prezent në të gjitha televizionet njëherësh duhet të jesh një lloj si Artan Hoxha përshembull, të cilit partia ia hoqi të drejtën të kandidonte si president i Shqipërisë sepse kishte qënë sigurims, ndërsa partia prapë e mëshiron për sjelljet e tij puthadore dhe i krijon mundësi që ta mbrojë partinë në çdo qelizë të hapësirave të informimit publik.

E nënvizoj faktin kur them se shtypi i lirë është i uzurpuar nga kriminelët, vrasësit e grave, pedofilët, perversët dhe nga ishët e diktaturës dhe politika shqiptare. Këta kanë uzurpuar vendin dhe kohën që ligjërisht i takon opinionit publik, për t'u mirinformuar, për t'u orientuar. Sepse shtypi i lirë dhe mediumet vizive si mjete të komunikimit masiv janë jo vetëm zëdhënëse të opinionit publik, por edhe e mbrojnë opinionin publik, pasi pushteti i katërt është bodyguard-i i shtetit ligjor. Në Shqipëri shtypi dhe mass-mediat janë bodyguard i pushtetit politik dhe oligarkëve të rinj.

Para disa ditësh u kap në flagrancë një pedofil, një person me precedentë dhe i skeduar i policisë, i cili jo vetëm që u la jashtë kontrollit dhe vemendjes të organeve të rendit, por tani është kthyer në një "hero" të gazetave, faqeve të para dhe hapësirave televizive sepse dëshmitë e tij horrore janë kthyer në ushqim të helmuar për mendjet e prindërve dhe fëmijëve shqiptarë, që ndihen të kërcënuar prej këtyre përbindëshave sepse nuk i mbron as shteti dhe askush.

Para një jave, nuk mjaftoi që Roland Qafoku tek "Debati në Channel One" intervistoi nusen e djalit të diktatorit Hoxha dhe mbesën e diktatorit Alia, por të nesërmen pothuaj gjithë gazetat e Tiranës nëpër kopertinat dhe faqet e brendshme e kishin botuar intervistën e Teuta Hoxhës shoqëruar me foto kolor të kohës të regjimit!

Për kronikë po bëj një ilustrim po citoj disa gazeta, (por sigurisht jo të gjitha), për të parë se ku është botuar konkretisht më 15 mars në faqen e parë me foto apo tituj intervista e Teuta Hoxhës: Gazeta Mapo: "Teuta Hoxha: U zhdukën 130 ditarë të Enverit nga Arkivi, të hapen dosjet"; Gazeta Panorama: « Teuta Hoxha: E vërteta e ftohjes mes Ramiz Alisë dhe Nexhmijes pas vitit 1990"; Gazeta Shqiptarja : "Nexhmija nuk donte gjak"; Gazeta Shekulli : në dy numra, 15 Mars,"Si u zhdukën shënimet sekrete të Enver Hoxhës, Denigrimi i figurës së Enver Hoxhës pas vitit 1990 kur i vodhën bibliotekën me 25 mijë ekzemplarë dhe 130 ditarët personalë » dhe më 16 mars, « Vdekje e Mehmetit rrënoi shëndetin e Enverit", Gazeta Shqiptare: "Teuta Hoxha: Rrethimi i Bllokut, Nexhmija tha "nuk dua gjak në shtëpinë e Enverit" », « Gazeta Metropol : Në shtëpi sflitej për punë, dokumentet sekrete Enveri i digjte s'ja linte Nexhmijes"; Gazeta Koha jonë : Teuta Hoxha: "Jeta ime si nuse e djalit te Enverit dhe mbesa e Ramiz Alise".

E çfarë interesi ka për opinionin publik të mësojë se çfarë thotë Teuta Hoxha për dy ish-diktatorët, të cilët e transformuan Shqipërinë në ferr të vërtetë për shqiptarët? Në ç"˜lloj të etikës gazetareske dhe antimorali mbështeten botues të tillë që i imponojnë lexuesit një presion të tillë?

Në 22 vjet demokraci cili kod i gazetarisë toleron shkelje të tilla flagrante ? Sepse që të jesh person publik, gazetar, opinionist, personazh gazetash dhe televizionesh jashtë rubrikave rozë dhe gossipeve, duhet të jesh një njeri me kredibilitet, me integritet dhe i besueshëm për opinionin publik.

E pra, opinioni publik shqiptar jeton në një traumë të vërtetë dhe të frikëshme, sepse për çdo ditë e mëkojnë me helm propagandistik për ta frikësuar, për ta trëmbur, për t'i imponuar se çfarë duhet të lexojë e dëgjojë si e vetmja alternativë, sepse në Shqipëri nuk ekziston as edhe një gazetë e vetme që nuk është nën kontrollin e politikës apo oligarkëve. Të cilët censurojnë dhe kanë prangosur lirinë e shprehjes si dhe të drejtën për mirëinformim të opinionit publik.

Natyrisht, në Tiranë ka gazetarë të cilët dëshirojnë të realizojnë misionin e tyre fisnik në shoqëri që shtypi, mediat vizive e multimediat të dalin nga kjo kapje që po e mbyt fjalën e lirë e që po e traumatizon si diktatura opinionin publik. Këta kolegë e pranojnë si fakt këtë realitet dhe thonë se "liria e shtypit në Shqipëri ka vdekur". Këta kolegë midis miqsh pranojnë gjithashtu se politikat editorialiste tani i bëjnë pronarët e gazetave dhe televizioneve ndërsa ata syresh vetëm papagallojnë. Por të thuash kaq nuk mjafton. Pragmatizmi apo konformizimi i tyre tani po bëhet faj i tyre. Ata po bëhen dalëngadalë mos me thënë ashtu siç guxon të thotë gazetarja trime Iva Tiço "mender"gazetarë.

NË SHQIPËRINË E MONSTRAVE, QË I HA FËMIJËT - POLITIKANËT DELIROJNË NË EUFORI NDËRSA SHOQËRIA HESHT
Nga ELIDA BUÇPAPAJ

E Mërkurë, 03.20.2013, 11:00am
PERIKLIU E PËRKUFIZON DEMOKRACINË E UNË PYES A NDODH KËSHTU NË SHQIPËRI?
Nga ELIDA BUÇPAPAJ
E Djelë, 03.17.2013, 11:09am

SKANDALI MË I FUNDIT NË POLICINË E SHTETITNga ELIDA BUÇPAPAJ (03.01.2013)
ZGJEDHJET NË ITALI DHE KRAHASIMI ME 23 QERSHORIN NË SHQIPËRI MUNGON NJË GRILLO
Nga ELIDA BUÇPAPAJ
E Martë, 02.26.2013, 11:12am

5 VJETORI I KOSOVËS PA FLAMUJ KUQ E ZI E PA EUFORI
Nga ELIDA BUÇPAPAJ

E Hënë, 02.18.2013, 11:22am

POLITIKA DHE DIPLOMACIA SHQIPTARE BARAZ ME NEPOTIZËM E BARONIZËM - RASTI CEKA DHE JO VETËM AQ
Nga ELIDA BUÇPAPAJ

E Mërkurë, 02.13.2013, 12:56pm

PD DHE PS NUK JANË DY PARTI POR DY USHTRI - DHE JANË TË FRIKSHMENga ELIDA BUÇPAPAJ (01.29.2013)
Meditime kur presidenti Obama u betua me Biblën e Linkolnit e Martin Luther King Jr.
ÇDO SHQIPTAR ËSHTË PO AQ I RËNDËSISHËM SA ÇDO SERB
Nga ELIDA BUÇPAPAJ
E Martë, 01.22.2013, 02:51pm

PROFITERËT E RUGOVËS JANË ANTIRUGOVIANË
Nga ELIDA BUÇPAPAJ
E Hënë, 01.21.2013, 09:59am
DILEMA NË ZGJEDHJET E 23 QERSHORIT - DËGJUES TË VERBËR APO TË DËGJUAR - SOVRANË TË FATIT TË TYRE APO FATALISTË TË BINDUR
Nga ELIDA BUÇPAPAJ
E Mërkurë, 01.16.2013, 11:57am

Reagim ndaj shkrimeve të R. Xhungës dhe N.Spahiut
NEXHMEDIN SPAHIU BËN SHQYTARIN PROFAN TË RUDINA XHUNGËS!
Nga ELIDA BUÇPAPAJ
E Premte, 01.04.2013, 11:44am
ROBERTO BENIGNI I THURI HYMN 'MË TË BUKURËS SË BOTËS' DHE SHQIPËRINË AKTUALE E KRAHASOI ME MESJETËN
Nga ELIDA BUÇPAPAJ
E Mërkurë, 01.02.2013, 12:40pm

Nga ditari i gazetares në Facebook
KJO NUK ËSHTË SHQIPËRIA E ËNDËRRAVE TONA
Nga ELIDA BUÇPAPAJ
E Hënë, 12.24.2012, 08:58am

BE ME REFUZIMIN E TRETË, NXJERR JASHTË LOJE SI SHKAKTARE KLASËN POLITIKE TË SHQIPËRISË
Nga ELIDA BUÇPAPAJ
E Premte, 12.07.2012, 01:41pm

NGA BERISHA DHE RAMA VJEN SHOW POLITIK DHE INFANTILIZËM SHTETFORMUES
Nga ELIDA BUÇPAPAJ
E Mërkurë, 12.05.2012, 02:44pm

DIKTATURA KA KRYER PATRICID NDAJ BABALLARËVE TË KOMBIT - I KA VRARË, SYRGJYNOSUR, LËNË NË HARRIM E MALLKIM PËR 70 VJET
Nga ELIDA BUÇPAPAJ
E Hënë, 11.26.2012, 11:03am
OPINIONI PUBLIK ËSHTË I PAMANIPULUESHËM, MARRË SHKAS NGA INTERVISTA E REXHEP QOSJES TEK TOP CHANNEL
Nga ELIDA BUÇPAPAJ
E Mërkurë, 11.21.2012, 12:03pm

GORDON JEHONË APELIT TË ZONJËS KLINTON PËR BERISHËN E RAMËN Washingtoni mesazhe politikës. Në interes të kombit shqiptar votimi në Kuvend i ligjeve të kërkuara. Pa asnjë kusht
Nga ELIDA BUÇPAPAJ
E Mërkurë, 11.14.2012, 02:48pm
Kuvendi i Shqipërisë nuk e mbajti as një minutë heshtje për Lirak Bejkon
DEPUTETËT E KUVENDIT TË SHQIPËRISË JANË LILIPUTË PËRPARA LIRAK BEJKOS
Nga ELIDA BUÇPAPAJ
E Premte, 11.09.2012, 10:31am

E PATOLERUESHME ARROGANCA E SHUMICËS NDAJ KËRKESAVE TË SHBA E BE PËR DIALOG!
Nga ELIDA BUÇPAPAJ
E Enjte, 10.18.2012, 11:08am
ME PËRKUSHTIM, DY MIQVE TANË, AKADEMIK MARK KRASNIQIT DHE HUMANISTES RITA SALIU
Nga ELIDA BUÇPAPAJ
E Djelë, 10.14.2012, 09:33am