Më 21 prill të këtij viti në qytetin e Hamiltonit të krahinës së Ontarios
në Kanada Shoqata Shqiptare e Hamiltonit mbajti mbledhjen e Kuvendit të Dytë
Zgjedhor të saj, ku të pranishëm ishin një numër i konsiderueshëm anëtetarësh
dhe aktivistësh shqiptarë të këtij qyteti dhe rrethinës. Mbledhja filloi me
shqyrtimin e statutit të ri të shoqatës, miratuar në parim dy javë para
mbajtjes së kuvendit në mbledhjen e radhës së Këshillit të Përgjithshëm, statut
që u pranua dhe u votua në mënyrë unanime nga të gjithë të pranishmit. Pas
miratimit dhe nënshkrimit të statutit, Kuvendin Zgjedhor e shpalli të hapur
anëtari më i vjetër i kryesisë në largim z. Hamdi Tahiri, i cili falënderoi të
pranishmit për pjesëmarrje dhe porositi ata që të votojnë për ata që mendojnë se
do t'u prijne proceseve përpara në dy vitet e ardhshme. Pas tij, Raportin e
Punës e lexoi kryetari i deritashëm i kryesisë z. Shani Pnishi, i cili përmendi
të arriturat e shoqatës gjatë mandatit të tij dyvjeçar në krye të saj, ku mbi
të gjitha u theksua se shoqata ka një buxhet të konsiderueshëm, si dhe gjatë
këtyre dy viteve shoqata ka arritur të krijojë bashkëpunim të mirë me organet e
Bashkisë së Hamiltonit, ambasadën e Rewpublikës së Shqipërisë në Kanada,
konzulatën e Republikës së Kosovës në New York, Ministrinë e Diasporës së
Kosovës, me shoqata qeveritare dhe joqeveritare shqiptare dhe të komuniteteve
të tjera etnike të qytetit, si dhe ka kontribuar në mbajtjen gjallë traditën,
kulturën dhe gjuhën shqipe përmes manifestimeve të ndryshme të saj. Analizën
financiare të shoqatës e bëri z. Refki Sertolli, anëtar i Këshillit Mbikqyrës
Financiar,duke përmendur punën e përkushtuar të arkëtarit z. Fitim Osmani.
Pastaj filloi propozimi i kandidatëve për kryesinë e re, ku për 11 vende
konkurruan 22 vetë. Këshilli për Mbarëvajtjen e Procesit Zgjedhor pas numërimit
të votive shpalli 11-shen e kryesisë së re në përberje: Shani Pnishi, Vjollca
Bytyçi, Fitim Thaçi, Vullnet Nura, Refki Sertolli, Elinda Arapi, Fatmir Laçi,
Kujtim Ademaj, Rasim Xhoni, Adelina Muharremi dhe Tefta Tahiri.
Kryetari i Shoqatës Shqiptare të Hamilltonit Z. Shani Pnishi
Kryesia e re e SHSHH-së u mblodh pas dy ditësh më 23 prill, dhe në bazë të
statutit të ri të saj, zgjodhi krerët e rinj dhe këshillat përkatëse, të cilat
veprojnë në kuadër të kryesisë. Kryetar u zgjodh Shani Pnishi, i cili edhe
njëherë mori votëbesimin për udheheqjen e shoqatës për dy vitet e ardhshme,
ndërsa nenkryetare u zgjodh Vjollca Bytyçi. U zgjodhen edhe dy sekretarët:
Tefta Tahiri dhe Refki Sertolli dhe u emërua edhe arkëtari Fatmir Laçi. Në
kuadër të kryesisë, me të drejtë vote sikur edhe të tjerët u zgjodhën edhe dy
student shqiptare nga më të dalluarat që studiojnë në McMaster University në
Hamilton, Leonora Abdullahu dhe Donika Rashica. Êshtë fat i mirë që në në aktivitetet
e deritash,e është parë interesimi i të gjitha moshave për përfshirje, ndërsa
në këto zgjedhje triumfuan të rinjtë që më parë nuk kanë edhe shumë aktiv, por
që premtojnë për të ardhmen e shoqatës dhe shqiptarëve të Hamiltonit. e sjellim
listen e perberjes se kryesise se re dhe organeve plotesuese: Shani Pnishi-
kryetar, Vjollca Bytyci- nenkryetare, Tefta Tahiri dhe Refki Sertolli-
sekretare, Fatmir Laci- arketar, Fitim Thaci, Vullnet Nura, Elinda Arapi, Rasim
Xhoni, Adelina Muharremi, Kujtim Ademaj, Leonora Abdullahu dhe Donika Rashica-
anetare te kryesise. Keshilli Mbikqyres: Gazmend Berisha, Fitim Osmani dhe
Shefqet Mucolli. Keshilli i Sportit: Fatmir Laci, Vullnet Nura, Vehbi Bushi,
Fatos Ademi, Naim Rexhepi, Edon Arapi dhe Abaz Feta. Keshilli i Bizneseve:
Fitim Thaci, Abaz Feta, Edon Arapi, Fazli Caka, Dashnor Hasku, Mehdi Berisha,
Naim Rexhepi, Liridon Citaku, Besnik Tahiri dhe Skender Imeri. Keshilli per
Kulture: Refki Sertolli, Tefta Tahiri, Elinda Arapi, Adelina Muharremi dhe
Rasim Xhoni. Keshilli i Anetaresimeve: Vellaznim Shehu, Shefqet Mucolli, Sabit
Feta, Xhelil Rashica, Skender Imeri, Shemsi Bici, Nexhip Ademi, Elinda Arapi,
Adelina Muharremi, Kujtim Ademi, Vjollca Bytyci, Vullnet Nura dhe Shani Pnishi.
Suksese shoqates dhe aktivisteve ne te ardhmen.
Për lexuesit e "Tribunës Shqiptare" ne biseduam shkurt me kryetarin e
rizgjedhur Shani Pnishin,duke u bazuar në raportin e punës dhe aktivitetet që
kjo shoqatë shfaqet para publikut. Në pytjen tonë se si ka arritur që shoqata,
krahas veprimtarisë me karakter kombëtar e kulturor, të orientohet shumë kah
aktivitetet sportive, z. Pnishi u pergjigj: "Ne shqiptarët këtu jemi me fat që
në mesin tonë kemi edhe sportistë të dalluar, ndër ta edhe ish-profesionistë që
kanë luajtuar në Ligën e Parë të Kosovës në futboll. Veçojmë këtu lojëtarin e
KF "Besa" të Pejës Eroll Krasniqin, i cili në vitin 1994 qe shpallur lojëtari
më i mirë i vitit në Kampionatin e Republikës së Kosovës, dhe që është aktiv
edhe sot në KF "Dardania" të Hamiltonit. Lojëtarët tjerë që gjithashtu kanë
dhënë kontribut gjatë këtyre dy viteve në shoqatë kanë një të kaluar të mirë në
fushën e futbollit, si psh Fatos Ademi ish-futbollist i "Flamurtarit" të
Prishtinës dhe Vullnet Nura themelues i KF "Kosova" në Hamilton."
Pamje nga Kuvendi i Dytë Zgjedhor, Hamillton 21 prill 2013
Meqenëse në raport u permend edhe suksesi financiar, ku buxheti i shoqatës ka
shifra premtuese për të ardhmen, kurreshtja jonë u përqendrua tek faktorët që
ndikuan në arritjen e kësaj shume. Kryetari Pnishi me kënaqësi filloi t'i
permend anëtarësimet e njëpasnjëshme që janë në rritje, manifestimet, të cilat
përveç se kanë pasur efekt shoqëror, e kanë rritur edhe arkën e buxhetit. Ne
fund, me krenari përmeni edhe numrin e bizneseve shqiptare, disa prej të cilave
janë bërë sponzorë të pakursyer të aktiviteteve të shoqatës, ku gjeti mundësinë
për t'i falënderuar disa prej tyre si psh: Dashnor Hasku, Fitim Thaci, Abaz
Feta, Naim Rexhepi, Hamdi Raci, Edon Arapi, Fehmi Imeri etj, ndërsa kohët e
fundit këtij vargani po i shtohen edhe të tjerë.
Pamje nga Kuvendi i Dytë Zgjedhor, Hamillton 21 prill 2013
Bashkëpunimi i shoqatave shqiptare ndërmjet vete ka bërë që më 12 maj të këtij
viti të organizohet Turneu i Shqiptarëve të Kanadasë në futboll në Hamilton, ku
deri më tani kanë premtuar ardhjen ekipe nga Toronto, Ottawa, Montreali dhe
Londoni, dhe pritet që kjo të kalojë në një atmosferë festive.
Pamje nga Kuvendi i Dytë Zgjedhor, Hamillton 21 prill 2013
Comments (0)
Dërgoja shokut
Printo
