VOAL - Online Zëri i Shqiptarëve - Elle - CHIARA MASTRIOANNI FLET PËR BABAIN MARCELLO MASTOIANNI DHE PËR MAMANË CATHERINE DENEV

Chiara Mastroianni

Voal-online - Chiara Mastroianni, 41 vjeçe, flet për numrin e tetorit të revistës mujore Elle.

E hareshme, pasionale, ambasadorja e re e vrullshme e firmës Fendi tregon me haré e çiltërsi për babain Marcello: « Kujtimet më të mira janë në sheshin e xhirimit, sepse, kur nuk xhironte, babai im ishte një qenie e hatashme. Hante, pinte dhe asgjë tjetër. Pas drekës, më kërkonte të luanim letrash bashkë, vinte Stanlin e Olion në televizor ose patinazh artistik dhe flinim... Por kur punonte, ishte i lumtur. Ndihesha më në shtëpi në CinecittÃ se në vila të ndryshme. Profesioni i aktores për mua ka qenë 'një kthim në shtëpi' tek babai ».

Chiara Mastroianni ndihet shumë italiane: «Të jetuarit në Francë e zmadhon pjesën time italiane. Është zbavitëse të jesh pak kështu pak ashtu. Por këtë rr-në vërtet nuk e kuptoj. Babai im e shqiptonte noirmalisht. E unë e kam mësuar italishten prej babait. Kushërirat nga Roma më bënin të përsërisja një stërvitje gjuhësore plot me rr: vuaja por bëja majmunen për ta kënaqur. Babai im qeshte shumë me italishen time me rr franceze dhe theks romanesk».

Nga mama Catherine ka gjallërinë e shikimit: «Nëna ime nuk është aspak e ftohtë. Është një llupëse dhe i pëlqen të qeshë shumë. Vetëm se është shumë natyrë e druajtur,» rrëfehet Chiara. E pastaj shton: «Kemi stile krejt të ndryshme. Unë nuk kam shumë gjëra dhe nuk kam marrë kurrë nga garderoba e saj... Ndoshta vetëm këpucët, por unë në moshën 14 vje4are kisha tashmë numrin 39, ajo 37... Kam kujtime shumë të bukura kur e shoqëroja tek Monsieur Saint Laurent: ajo, vetëm fare, që provonte veshje në ato ssallone tejet elegante»./ELIDA BUÇPAPAJ