VOAL - Online Zëri i Shqiptarëve - Këndi këtuSI TË UROJMËNga SKËNDER BUÇPAPAJ

Është 17 Shkurti sot dhe të gjithë ne shqiptarët urojmë njëri tjetrin, sepse Dita e Pavarësisë së Kosovës është shenjë e shenjtë për ne të gjithë. Mediat sociale, do pranuar, duke ndikuar fuqimisht në kulturën e komunikimit të përditshëm, kanë ndikuar edhe në përkryerjen më tej të kulturës së urimeve.
Si në çdo gjuhë, edhe në shqip formulat e urimeve janë të thjeshta. Megjithatë gabimet tona gjuhësore në përdorimin e tyre nuk mungojnë. Sivjet, ndoshta, këto gabime kanë qenë më të pakëta. Në komunikimet e ngushta ato nuk bien shumë në sy. Por, sa më publike të jenë, aq më shumë bien në sy e aq më shumë të kushtueshme të janë. Kur, për shembull, një urim i shkruar gabim zë një fasadë të një shumëkatësheje, kur ajo është me drita shumëngjyrëshe dhe ndriçon një shesh qyteti apo kryeqyteti, duket se disi nuk i ka merituar gjithë ato shpenzime.

Tri urimet kryesore që përdoren sot, janë:

Urime për 17 Shkurtin! Ose: Urime për Pavarësinë e Kosovës! Ose: Urime për Gjashtëvjetorin e Pavarësisë së Kosovës!
Fjalori i Gjuhës së Sotme Shqipe sqaron: Urime për ditëlindjen. Urimet e mia të përzemërta për ditëlindjen. Shumë urime (të dërgoj) për ditëlindjen.
Në urime foljet, si ajo që kam vënë në kllapa, nënkuptohen, por gramatika që kërkojnë ato, do respektuar.

Gëzuar 17 Shkurtin! Ose: Gëzuar Pavarësinë e Kosovës! Ose: Urime për Gjashtëvjetorin e Pavarësisë së Kosovës!
Fjalori i Sotëm i Gjuhës Shqipe ka sqarim më të plotë në këtë rast. GËZUAR pasth. Përdoret si urim me kuptimin "e kalofshi gëzuar!", "e gëzofsh (e gëzofshi)"! etj. Gëzuar Vitin e Ri! Gëzuar ditëlindjen! Gëzuar! (kjo e fundit thuhet kur ngremë një dolli a kur çokasim gotat me dikë).

Me fat 17 Shkurti! Ose: Me fat Pavarësia e Kosovës! Ose: Me fat Gjashtëvjetori i Pavarësisë së Kosovës!

Ky është urim tradicional kryesisht për trevat veriore e verilindore shqiptare. Nëse uron dikë: Me fat 17 Shkurti!, ai të përgjigjet: Me fat qofsh edhe ti! Pra, në urimin e parë është eliptuar, është nënkuptuar pa e thënë folja "qoftë". Urimi i plotë është Me fat të qoftë 17 Shkurti! Me fat ju qoftë 17 Shkurti! Në të folurin solemn, në një fjalim të një udhëheqësi, për shembull, thuhet: Me fat na qoftë 17 Shkurti! Ose: Me fat na qoftë Pavarësia e Kosovës! Ose: Me fat na qoftë Gjashtëvjetori i Pavarësisë së Kosovës.

Kjo formë e urimit nuk përfshihet në Fjalorin e Gjuhës së Sotme Shqipe. Por, në rrethanat e komunikimit të shtuar, midis pjesëve të kombit dikur të ndara nga kufijtë e rreptë ndërshtetërorë, edhe kjo formë e urimit do të fitojë qytetarinë në mbarë shqipen.

Gramatikisht urimet, në format e shkurtuara, janë kryesisht pasthirrma, të natyrës dëshirore. Në format e plota, janë fjali nxitëse apo dëshirore. Varësisht nga tonaliteti, përdoret në fund pikë ose pikëçuditje.

Siç e shënova në krye të shkrimit, urimet janë përbërës i përditshëm i komunikimit tonë, janë, kështu, pjesë tejet e rëndësishme e kulturës sonë të komunikimit. Në kushtet e teknologjive informatike kultura e komunikimit është sofistikuar në mënyrën më të skajshme. Në kushtet, pra, kur ky komunikim është tejet i dendur, ku ky komunikim nuk njeh asnjë kufi, asnjë lloj ndalese, sidomos falë mediave sociale, rritet shumë edhe përgjegjshmëria jonë, pra e çdo individi në përdorimin e urimeve në shqip.

SHPEND MOS U ÇMEND
Nga SKËNDER BUÇPAPAJ
E Mërkurë, 02.12.2014, 10:28am

FQINJËT JANË NË EKSPANSION, NE JEMI NË RESTRIKSION
Nga SKËNDER BUÇPAPAJ
E Mërkurë, 01.29.2014, 11:37am
POPULLI SHQIPTAR I KOSOVËS PO - E MERITON ÇMIMIN NOBEL PËR PAQE
Nga SKËNDER BUÇPAPAJ
E Enjte, 01.02.2014, 11:19am

NË EVROPË, SI ALEATË TË AMERIKËS
Nga SKËNDER BUÇPAPAJ
E Djelë, 12.29.2013, 12:04pm
Ribotim me rastin e ditëlindjes së Presidentit Rugova
IBRAHIM RUGOVA - NJË EPOKË E PANDËRPRERË
Nga SKËNDER BUÇPAPAJ

E Hënë, 12.02.2013, 08:58am

TË MOS SHNDËRROHEMI NË HORDHI
Nga SKËNDER BUÇPAPAJ

OKSIGJEN OPOZITËS
Nga SKËNDER BUÇPAPAJ

E Djelë, 11.17.2013, 10:10am

BEDRI MYFTARI - JETOI PËR NJË ËNDËRR, IKU PA TË
Nga SKËNDER BUÇPAPAJ
E Djelë, 11.10.2013, 10:12am
E MAJTA SHQIPTARE KONSOLIDON LULIN
Nga SKËNDER BUÇPAPAJ
E Mërkurë, 10.30.2013, 10:22am

COMMONWEALTHI SERB ËSHTË SA ANTISHQIPTAR DHE ANTIEVROPIAN
Nga SKËNDER BUÇPAPAJ
AZEM HAJDARI DHE IBRAHIM RUGOVA - FIGURA BASHKUESE DHE EMANCIPUESE TË POLITIKËS E TË KOMBIT
Nga SKËNDER BUÇPAPAJ

E Djelë, 09.15.2013, 09:50am

Ribotim
PD DHE PS MËTOJNË SE 23 QERSHORI 2013 KA TË NJËJTËN RËNDËSI ME 22 MARSIN 1992
Nga SKËNDER BUÇPAPAJ

E Shtunë, 08.24.2013, 08:56am

TIRANA DHE PRISHTINA NË GARË PËR DESHQIPËZIMIN E SHQIPES
Nga SKËNDER BUÇPAPAJ
E Mërkurë, 08.21.2013, 10:44am

'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË'
Nga SKËNDER BUÇPAPAJ

E Martë, 08.13.2013, 07:50am
SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am