VOAL - Online Zëri i Shqiptarëve - JERMI TOTALITAR I PDK - OSE NËNSHTRIM, OSE ZGJEDHJE TË JASHTËZAKONSHMENga SKËNDER BUÇPAPAJ

"Totalitarizmi është feudalizëm në kuptimin që kishte kjo fjalë në Shekullin e Dymbëdhjetë." Kështu shprehet autorja e famshme bashkëkohore britanike Barbara Amiel. Nga të gjitha përkufizimet dhe nga të gjitha thëniet aq të panumërta për totalitarizmin, unë kam zgjedhur sot më domethënësin dhe më kuptimplotin për atë çfarë po ndodh në krye të Prishtinës në këto shtatë vite dhe çfarë po manifestohet në mënyrë gjithnjë e më të përbindshme në këta sa muaj pas 8 qershorit 2014.

Mendësinë feudale mesjetare, me të cilën e ka sunduar dhe po e sundon Kosovën, PDK e shpalos në proklamatën (shpalljen publike) e saj të 5 nëntorit 2014, në përfundim të mbledhjes së Këshillit Drejtues të kësaj partie. Deklarata e Hashim Thaçit që i paraprin proklamatës tregon se, nga analiza disamujore, kjo parti nuk i njeh asnjë përgjegjësi vetes për situatën e krijuar dhe për gjendjen ku ndodhet Kosova për pasojë të saj, por të gjitha fajet ua lë partive të cilat nuk kanë pranuar dhe janë të vendosura të mos pranojnë rreshtimin prapa feudalit dhe suitës së tij.

Hashimit deklaron, fjalë për fjalë: "Dy gjëra mund të them se janë të sigurta. E para, nuk mund te krijohen institucione të reja në asnjë rrethanë pa përfshirjen e PDK-së, jo pse kjo është dëshirë e jona, por ky është vullneti i qytetarëve. PDK nuk do të lejojë askënd që të luajë me vullnetin e qytetarëve. E dyta, nëse për çfarëdo arsye forcat politike që po pengojnë krijimin e institucioneve nuk e kuptojnë këtë realitet politik dhe nëse vazhdojnë me tekat dhe inatet e vjetra, atëherë rrugëdalja e vetme mbetet ftesa për zgjedhje të jashtëzakonshme".

Një deklaratë e tillë nuk ia lejon asnjë amballazh së ashtuquajturës marrëveshje mes pjesëtareve të spektrit politik, qoftë edhe ngushtësisht faktorit të qendrës së djathtë, ku Hashimi e shikon partinë e tij me prejardhje nga ekstremi i majtë dhe me gjendje në ekstremin e majtë. Duke e konsideruar veten dhe partinë e tij të vetmit fitimtarë dhe të vetmit meritorë, ai gjoja kërkon marrëveshje me palën e humbur dhe njëkohësisht fajtore.

Nga pozitat e shpëtimtares së situatës, të cilën vetë e ka krijuar, PDK e Hashim Thaçit, në fakt kërkon nënshtrim të palës tjetër, asaj që njihet me emrin VLAN tashmë dhe që përfshin plot dy të tretat e votave të zgjedhësve shqiptarë të Kosovës. Të shtatë pikat e deklaratës së PDK në përfundim të mbledhjes së 5 nëntorit nuk janë gjë tjetër veçse zbërthim i së njëjtës pikë, veçse formulim me fjalë të tjera i përcaktimit disamujor që pala kundërshtare të pranojë interpretimin që PDK ia bën Kushtetutës së Kosovës, të pranojë rolin që PDK ia ka vënë Presidentes, e cila është njëherësh e paditur nga Avokati i Popullit i Kosovës për shkelje të Kushtetutës, të pranojë si institucion të shpallurën nga Gjykata Kushtetuese si kryesuese të seancave konstituive të Kuvendit, e vetmja që mund të thërrasë Kuvendin e Kosovës në seancë plenare. Kjo filozofi ndaj kundërshtarëve do të thotë - në daç hyp në lis, në daç zbrit prej lisit, i njëjti fund të pret.

PDK kërkon tolerancë nga të tjerët, por ndaj të tjerëve ajo i vë kufij të rreptë tolerancës.

"Për të majtën, thotë gazetari i famshëm bashkëkohor Dennis Prager, toleranca nuk është tolerancë, është pranim. Nëse jo, atëherë duhet të paguani çmim të shtrenjtë." Ndërsa regjisori Millosh Forman e përshkruan kështu totalitarizmin: "Nëse ju do të kishit jetuar si unë disa vite nën totalitarizmin nazist, pastaj 20 vjet nën totalitarizmin komunist, ju me siguri do ta kuptonit sa e çmuar është liria dhe sa lehtësisht ju mund ta humbni atë." Kjo është kambana që bie fort e më fort këta muaj, pas shtatë viteve të sundimit të PDK dhe Hashim Thaçit në Kosovë.

E vetmja përgjigje, e vetmja rrugëdalje gjatë këtyre muajve ka qenë dhe është: As nënshtrim ndaj PDK-së, as zgjedhje të jashtëzakonshme. Për këtë koalicioni paszgjedhor VLAN ka në dorën e saj një Kushtetutë mbi të gjitha Kushtetutat, Votën e Sovranit, ka shumicën parlamentare. Pritja disamujore "çka sjell minuta, nuk e sjell moti" nuk ka dhënë e nuk do të japë asnjë frut. PDK dhe Hashim Thaçi kanë dëshmuar se nuk largohen vetë nga pushtetit. Ndërsa shumica e re parlamentare nuk ka bërë asgjë të qenësishme për t'i laguar nga pushteti totalitaristët feudalë që po sundojnë Kosovën. PDK dhe Hashim Thaçi kurrkund në horizont nuk shikojnë ndonjë sfidë ndaj sundimit të tyre. Këtu buron jermi totalitarist i PDK, këtu burojnë të gjitha qëndrimet, të gjitha lojërat, deri tek deklarata e fundit me 7 pika, asnjëra prej të cilave nuk i ka rënë regjimit dhe nuk duket se do t'i bjerë, nëse vetë shumica e re parlamentare nuk del nga amullia e saj e mungesës së ideve, e mungesës së vizioneve, e mungesës së veprimeve.

©
A E UDHËHEQ LDK KOALICIONIN PASZGJEDHOR?
Nga SKËNDER BUÇPAPAJ

E Mërkurë, 10.29.2014, 10:21am
SERBIA E TRAJTON EDHE SHQIPËRINË ME FUSNOTË
Nga SKËNDER BUÇPAPAJ

E Djelë, 10.19.2014, 08:56am
KUVENDI I KOSOVËS - VENDIMET QË MUND TË MERREN ME SHUMICË TË THJESHTË NUK KA PSE TË SHTYHEN PËR MË VONË
Nga SKËNDER BUÇPAPAJ

8 QERSHORI - NYJA GORDIANE
Nga SKËNDER BUÇPAPAJ
E Mërkurë, 10.01.2014, 10:55amPAPA YNË
Nga SKËNDER BUÇPAPAJ

E Hënë, 09.22.2014, 08:47am

PRESIDENTJA E HODHI GURIN NË LUMË, NJË MIJË TË ZGJUAR NUK E NXJERRIN
Nga SKËNDER BUÇPAPAJ
E Mërkurë, 08.27.2014, 06:59am
TRI JOTË JETIKE TË KOSOVËS
Nga SKËNDER BUÇPAPAJ

E Shtunë, 08.23.2014, 09:05am

REFORMA ORIGJINALE E KRYEMINISTRIT RAMA
Domosdoshmëria e një revanshi femëror në zyrat e partisë dhe të shtetit
Nga SKËNDER BUÇPAPAJ

E Hënë, 08.18.2014, 08:25am
PRANDAJ KUVENDI I RI NUK PO LICENSOHET
Nga SKËNDER BUÇPAPAJ

E Mërkurë, 08.06.2014, 02:30pm

KOSOVA POST-TRAUMË
Nga SKËNDER BUÇPAPAJ

E Premte, 08.01.2014, 04:58pm