Hillari Klinton sot në Prishtinë përpara statujës të Presidentit Klinton
Hillary Clinton vjen në Prishtinë, si stacioni i fundit gjatë turit të saj ballkanik. Si për të përgënjeshtruar spekulimet se Ballkani nuk është më prioritet amerikan, Hillary Clinton vërteton të kundërtën.
Në Prishtinë, ajo është si në shtëpinë e saj. Bulevardi kryesor i kryeqytetit të Kosovës mban emrin e Presidentit Clinton, të cilin shqiptarët e njohin si shpëtimtarin e tyre.
Prej turit të Zëvendës Presidentit të SHBA Joseph Biden në maj të 2009 e deri në vizitën e Zonjës Clinton në Ballkan në tetor të 2010, dukej sikur Amerika e dhënë pas problemeve të shumta, e kishte lënë mënjanë Ballkanin, por vizita e Zonjës Clinton dëshmoi se Amerika nuk mund të largohet nga një rajon aq problematik pa përfunduar integrimi i tij i plotë.
Hillary Clinton viziton tre shtete të Evropës Julindore, të cilat dikur ishin në raporte lufte me njëra-tjetrën, ku Serbia ishte agresori ndërsa Bosnja dhe Kosova viktimat e saj, ndërsa tani si e përshkruante dje në mënyrë lakonike editoriali i NYT, "Bosnja, Serbia dhe Kosova kanë ecur nëpër një rrugë të gjatë që nga vitet e 90-ta, ku Serbia nuk është më një agresore e rrezikshme, Bosnja nuk është më një fushë vrasjesh dhe Kosova, dikur e terrorizuar nga Serbia, është shtet i pavarur."
E pra ndërsa përpara 11 vjetësh, Presidenti Clinton do të angazhonte Aleancën Veri-Atlantike për të ndalur Holokaustin e kohëve moderne që kishte ndërmarrë Sllobodon Milosheviçi, sot Sekretarja e Shtetit e SHBA vjen në Ballkan për të treguar se Amerika është këtu, ndryshe nga sa dëshiron segmenti ultranacionalist serb në Beograd.
Hillary Clinton viziton trekëndëshin Sarajevë, Beograd, Prishtinë duke përforcuar qendrimin amerikan në mbështetje të një Serbie moderne, e gatëshme të plotësojë reformat për t'iu bashkuar BE-së; të një Bosnje të unifikuar, që vazhdon rrugën e integrimeve, larg kokave të çmendura separatiste të ultranacionalistëve serbë që nuk reshtin së bëri deklarime kërcënuese; të një Kosove të pavarur, në prag të bisedimeve midis Prishtinës e Beogradit, ku SHBA do të jenë palë.
Në prag të vizitës të Zonjës Clinton në Ballkan, për të shmangur çdo lloj ekuivoku të mundshëm, pala Amerikane qartësoi edhe një herë qendrimin e saj. Në këtë kontekst Ndihmës Sekretari i Shtetit Philip Gordon, duke konfirmuar praninë e SHBA në dialogun Kosovë-Serbi, nënvizoi faktin se "Dialogu do të jetë mes të barabartëve dhe çështja e statusit apo ndarjes nuk do të jetë tryezë", duke nxjerrë në pah se "Shtetet e Bashkuara i shohin bisedimet mes Kosovës e Serbisë si mundësi për të zgjidhur një mori çështjesh praktike që ekzistojnë mes dy vendeve fqinje." Nga ana e tij James Steinberg, Nënsekretari i Shtetit tek Zëri i Amerikës duke komentuar vizitën e Zonjës Clinton në Ballkan, përsëriti edhe një herë "SHBA e kanë njohur pavarësinë e Kosovës dhe se tashmë ky është një fakt i jetës ndërkombëtare që është përforcuar nga opinioni i Gjykatës Ndërkombëtare të Drejtësisë".
Këtë linguazh diplomatik tejet eksplicit, është duke e theksuar edhe gjatë këtij turi Sekretarja e Shtetit, duke vënë në fokus faktin, se Amerika nuk do t'i tolerojë qëndrimet ekstremiste që frymëzojnë ndarje të Bosnjes apo coptim të Kosovës për të ushqyer orekset e ultranacionalizmit serb, të cilat kanë shkaktuar aq gjakderdhje.
Vizita e Sekretares së Shtetit Hillary Clinton në Sarajevë, Beograd e Prishtinë bëhet edhe për t'iu dhënë një mësim atyre zërave në BE, të cilat pretendojnë t'i përjashtojnë SHBA nga Ballkani, kur dihet qartë se pa Amerikën, Ballkani sot do të ishte turpi i Evropës, pasi pa SHBA, Evropa nuk do të kishte ndalur kurrë dot spastrimin etnik dhe genocidin që Serbia kriminale e Milosheviçit kishte ndërmarrë kundër atyre popujve të Ballkanit, për fajin e vetëm se këta popuj nuk ishin as serbë dhe as ortodoksë.
Zonja Clinton shkoi në Sarajevë e Beograd e vjen në Prishtinë për të konfirmuar edhe një herë praninë Amerikane në Ballkan deri në përfundimin e proceseve integruese dhe demokratizuese të rajonit.
Beogradi nga ana e tij kërkon që t'i forcojë sa më shumë raportet ndërshtetërore me SHBA, ndërsa në Prishtinë Sekretarja e Shtetit Hillary Clinton është në shtëpinë e saj.
(Ky opinion ështe botuar më 13 Tetor tek Bota Sot)
TIGRAT E ARKANIT LËVIZIN TË LIRË NË EVROPËN ME FYTYRËN E SËMURË TË UMBERTO BOSSIT
NGA ELIDA BUÇPAPAJ
SHBA & BE ME SHQIPËRINË, SFIDOJNË BINOMIN PARANOJAK RAMA-RUÇI
NGA ELIDA BUÇPAPAJ
SARKOZY & MERKEL KANË TË DREJTË: DAVID MILIBAND NË VEND TË ASHTON
NGA ELIDA BUÇPAPAJ
BERISHA MUND TA FORCOJË KREDIBILITETIN E QEVERISË PA KURRËFARË DHIMBJE
NGA ELIDA BUÇPAPAJ
E ARDHMJA E FATMIR SEJDIUT
Nga ELIDA BUÇPAPAJ"Ž
FATMIR SEJDIU DHA DORËHEQJEN SI SHKELËS I KUSHTETUTËS
Nga ELIDA BUÇPAPAJ
REZOLUTA E 28-SHES KA RRITUR AGRESIVITETIN E SERBISË
NGA ELIDA BUÇPAPAJ
Pavarësia e Kosovës në shërbim të paqes dhe stabilitetit afatgjatë të të gjithë Evropës
JO PROFILIT KONTRAVERS TË Z. KATHY ASHTON !
NGA ELIDA BUÇPAPAJ
AMERIKA & BRUKSELI, JO BRUKSELI "SOLO"
NGA ELIDA BUÇPAPAJSA HERË AFROHEN ZGJEDHJET RAMUSH HARADINAJN E ÇOJNË NË HAGË
NGA ELIDA BUÇPAPAJ14 Shtator 1998 - 14 Shtator 2010
E KUR AZEM HAJDARI DO TË KTHEHET NË NJË SIMBOL TË PËRBASHKËT TË PLURALIZMIT SHQIPTAR ?
NGA ELIDA BUÇPAPAJALL TOGETHER NOW - TË GJITHË SË BASHKU TANI !
NGA ELIDA BUÇPAPAJPROJEKT-REZOLUTA KAMALEON E 28-SHES ?!
NGA ELIDA BUÇPAPAJESHTON NUK MUND T'I GJUNJËZOHET TADIÇIT
Nga ELIDA BUÇPAPAJ
KATEDRALJA E NËNË TEREZËS E BEKUAR NGA RUGOVA SHPREHJE E PASURISË KOMBËTARE DHE EVROPIANE
Nga ELIDA BUÇPAPAJ
VENDET E NATO-S E ÇLIRUAN KOSOVËN, NJOHËN PAVARËSINË E SOT E MBËSHTESIN FUQISHËM NË METROPOLET E DIPLOMACISË BOTËRORE
Nga ELIDA BUÇPAPAJ
DELIRI I VUK JEREMIÇIT FIKET PËRBALLË LIQENIT TË PERUÇACIT
Nga ELIDA BUÇPAPAJ
UNIFIKIMI I FAKTORIT POLITIK NË SHQIPËRI NË SHËRBIM TË KOSOVËS DETYRIM EVROPIANO-KOMBËTAR
Nga ELIDA BUÇPAPAJ
SHQIPËRIA NDRYSHE NGA ÇEKIA
Nga ELIDA BUÇPAPAJ
Comments (0)
Dërgoja shokut
Printo
