Zëri i Amerikës - Një zyrtar i lartë i Departamentit amerikan të Shtetit, i cili ishte i pranishëm në takimin që pati dje në Uashington Sekretarja e Shtetit Hillari Klinton me Kryeministrin e Shqipërisë Sali Berisha, tha se zonja Klinton u shpreh shumë e gëzuar për faktin që Shqipëria do të bëhet anëtare e NATO-s. Zonja Klinton e falenderoi kryeministrin e Shqipërisë për kontributin e vendit të tij në Afganistan. Sipas zyrtarit, në takim u diskutua rreth planeve amerikane për ta mbyllur objektin e paraburgimit në bazën Guantanamo si dhe për statusin e ardhshëm të personave që mbahen atje. Por zyrtari nuk tha nëse zonja Klinton i kishte kërkuar Shqipërisë që të pranojë më shumë ujgurë ose persona të tjerë që mbahen në Guantanamo, duke e quajtur këtë një çështje tepër sensitive. Sipas zyrtarit, z. Berisha falenderoi Shtetet e Bashkuara lidhur me përpjekjet që bënë për anëtarësimin e Shqipërisë në NATO, duke thënë se këto përpjekje ishin “jetike”. Z. Berisha i tha Sekretares së Shtetit se qeveria e Shqipërisë është e angazhuar për të luftuar krimin e organizuar që është një problem i madh në Shqipëri por se ka bërë “përparim të madh” në këtë aspekt. Zyrtari tha se zonja Klinton kishte ngritur çështjen e zgjedhjeve të ardhëshme në Shqipëri “duke shprehur prokupim për sa i përket ndershmërisë në fushën e lojës”. Z. Berisha, tha ai, e siguroi Sekretaren e Shtetit se do të bënte gjithçka të mundur që zgjedhjet të jenë të lira dhe të drejta, duke ftuar vëzhgues dhe se do të “respektojë plotësisht vullnetin e popullit shqiptar”. Zyrtari tha se z. Berisha diskutoi në hollësi të konsiderueshme me zonjën Klinton mbi ligjin e dosjeve në Shqipëri. Sekretarja e Shtetit, sipas zyrtarit, tha se i vlerësonte sigurimet e dhëna nga z. Berisha për këtë çështje. Voal-online.

Voal-online – otohet sot nga Senati i SHBA plani i Presaidentit Barack Obama për nxitjen e ekonomisë amerikane. Dje është arritur kompromisi mes të dy krahëve të politikës për masat tërësore të nxitjes së ekonomisë, sç është ulja me 42% e takave dhe 52% ajo e investimeve. Në këtë mënyrë, plani reduktohet në rreth 780 miliardë dollarë, mbi 150 më pak se plani filelstar prej 937 miliardësh të cilin e kishte kërkuar vazhdimisht Presidenti Obama. Në reduktimin e planit kanë ndikuar dukuri të kohëve të fundit të vëna re në ekonominë amerikane, në mes të cilave rritja e papunësisë. Republikanët dhe demokratët, pas shumë debateve gjatë kësaj jave, kanë arritur pajtimin për miratimin e planit që do t’i krijojë ose ruajë tre deri katër milionë vende pune në Shtetet e Bashkuara të Amerikës.

Zëri i Amerikës - Sekretarja amerikane e Shtetit, Hillari Clinton, priti sot në Departamentin e Shtetit Kryeministrin e Shqipërisë, Sali Berisha.  Dy personalitetet biseduan për një sërë çështjesh, përfshirë përgatitjet e Shqipërisë për t'u anëtarësuar në aleancën e NATO-s.

Shtetet e Bashkuara e kanë miratuar tashmë pranimin e Shqipërisë në NATO. Kryeministri i Shqipërisë, Sali Berisha, është ndër udhëheqësit e parë botërorë që Sekretarja e Shtetit, Hillari Klinton, pret gjatë dy javëve të saj të para në këtë post. 

Voal-online – Në një dokument zyrtar dërguar drejtpërdrejt kryetarit të Aleancës për Kosovën e Re Behgjet Pacollit Ishuj Maldive kanë bërë të ditur sot se e njohin Kosovën shtet të pavarur dhe sovran. Më parë kryetarit të AKR-së i ishte bërë një telefonatë nga Ministri i Jashtëm i Ishujve Maldive nëpërmjet së cilës i është dhënë lajmi. Dokumenti zyrtar do t’iu mbërrijë institucioneve të shtetit të Kosovës në ditët e ardhshme.

Kryetari i AKR-së Begjet Pacolli ka shprehur me këtë rast kënaqësinë për rezultatin që ai ka pasur në përpjekjet për të nxitur shtete të tjera që ta njohin pavarësinë dhe sovranitetin e Kosovë.

Voal-online - Zëvendëspresidenti amerikan, Joe Biden, garantoi kryeministrin Berisha se administrata e re amerikane do të mbështesë plotësisht Shqipërinë në përpjekjet e saj për ndërtimin dhe forcimin e një shoqërie demokratike dhe në rrugën e reformave integruese. Gjatë takimit me kreun e qeverisë shqiptare, Biden u shpreh se ndihej shumë i nderuar të ishte mik i Shqipërisë dhe shqiptarëve dhe pranoi me kënaqësi ftesën e bërë nga kryeministri Berisha për të vizituar Shqipërinë. 

Zëri i Amerikës - Presidenti Barak Obama tha para figurave nga e gjithë bota se dallimet fetare duhet t’i bashkojnë njerëzit, dhe jo të krijojnë përçarje. Z. Obama tha sot në Mëngjesin Kombëtar të Lutjeve se besimi fetar që frymëzon njerëzit, mund t’i shërbejë të mirës së përgjithshme. Mes kryetarëve të shteteve, kryeministrave dhe personaliteteve të tjera botërore që merrnin pjesë, ishte edhe Kryeministri i Shqipërisë Sali Berisha. Z. Obama e përshkroi takimin si një prej rasteve të rralla, që mbledhin në Uashington pjesën më të madhe të botës në një aktivitet paqeje dhe vullneti të mirë. Z. Obama u bëri thirrje të pranishmëve të gjejnë tek besimet e tyre mesazhin e dashurisë dhe përkushtimit ndaj atyre në nevojë. “Pavarësisht nga zgjedhja që kemi bërë për besimin tonë, të mos harrojmë se asnjë besim nuk ka në thelb të tij urrejtjen. Nuk ka asnjë Zot që toleron marrjen e një jete të pafajshme”.

Radio Europa e Lirë - Prishtina nuk do të ulet në bisedime me Beogradin për të biseduar rreth zbatimit të planit 6-pikësh, thanë sot presidenti Fatmir Sejdiu dhe kryeministri Hashim Thaçi, pas një takimi që zhvilluan me shefin e UNMIK-ut, Lamberto Zannier. Negociatat e Kosovës me Serbinë janë një kapitull i mbyllur, kurse tash mund të diskutohet për çështje teknike të interesit të dyanshëm, thanë sot udhëheqësit më të lartë të institucioneve në Prishtinë.

Pak pasi në Gaza hyri në fuqi një armëpushim mes Izraelit dhe grupit Islamik Hamas, Presidenti Barak Obama i kërkoi të dërguarit të tij për Lindjen e Mesme që të shkonte në rajon për të filluar një proces për t'i dhënë fund konfliktit prej disa dekadash midis Izraelit dhe palestinezëve. Përpjekjet do të përqëndrohen në të ashtuquajturën zgjidhja me dy shtete, në bazë të së cilës do të krijohej një shtet palestinez, që do të ekzistonte në paqe krah për krah shtetit hebre. Ekspertët dhe politikanët kanë pikpamje të ndryshme mbi planin për t'i dhënë fund këtij konflikti.