E Enjte, 01.27.2022, 01:27pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 

TERRORI HELMON MENDIMIN

Nga FELIX STEINER, Deutsche Welle


E Djelë, 07.24.2011, 08:39am (GMT+1)

24.07.2011

Pak pas atentateve në Norvegji, edhe në Gjermani pati shumë nga ata që mendonin se islamistët, pra Al Kaida, kishin goditur përsëri. Kjo nuk rezultoi e vërtetë. Por përse kaq shumë vetë në Gjermani gabuan kaq shumë?

Terrori në këto përmasa të lë pa fjalë - pak rëndësi ka nëse vjen nga e djathta apo e majta, nga fundamentalistët e njërës apo tjetrës fe, nga grupe të organizuara apo autorë që veprojnë të vetëm. Dhe për një viktimë të terrorizimit thjesht nuk ka rëndësi se për çfarë idealesh apo në emër të kujt bëhet terror apo lëndohet. Pasi viktimat e terrorit janë të pafajshme. Dhe pikërisht për këtë arsye terrori është aq i urryer, pavarësisht se nga kush ushtrohet.

Terrori është i tillë pasi ka një rreze më të gjatë se viktimat direkte. Terrori ngjall frikë: a do të jetë vallë qyteti im, avioni im, aktiviteti ku do marr pjesë, objektivi i ardhshëm? Para së gjithash politikanët kërkojnë vazhdimisht të mos kemi frikë nga terrori dhe të mos ndryshojmë në asnjë mënyrë sjelljen tonë. Ndryshe terrori do të ketë fituar. Kjo është e vërtetë!

Por terrori ngjall edhe më shumë frikë: frika nga atentatorët e mundshëm. A mos vallë është i rrezikshëm fqinji im apo njeriu që ulet pranë meje në tren, sepse ka mjekër, veshje të caktuar, apo sepse është mysliman apo thjesht ka pamjen e një të huaji? E qartë është se terrori helmon të menduarit! Pasi frikërat prodhojnë paragjykime, dhe frika ekstreme madje edhe fobi. Puna nuk duhet të arrijë deri këtu në shoqëritë demokratike!

Ashtu si sukseset elektorale mbresëlënëse të kohëve të fundit të partive kundër të huajve dhe fesë islame, në shumë vende evropiane, edhe orët e para pas atentateve në Norvegji tregojnë se sa i helmuar është të menduarit në Evropë.

Dukej sikur rrethanat ishin të qarta: Norvegjia ka një kontingjent trupash në Afganistan dhe merr pjesë në sulmet ajrore të NATO-s në Libi. Pra për bombat në lagjen qeveritare në Oslo duhej të ishte përgjegjës pa dyshim vetëm një mysliman. Dy orë e gjysmë më vonë ndodhi masakra në kampin e të rinjve: konkluzioni sërish dukej se ishte i qartë - a nuk është karakteristikë e Al Kaidës të sulmojë njëkohësisht në disa vende?

Edhe lajmet pasuese nuk i lëkundën arsyetimet e ekspertëve për terrorizmin në televizionin gjerman. I arrestuari ka nënshtetësinë norvegjeze? Atë e kanë shumë imigrantë myslimanë! I arrestuari është bjond dhe me sy të kaltër? Atëherë me siguri është fjala për një vendas të konvertuar në fenë islame! Dihet se të konvertuarit janë përkrahës veçanërisht radikalë të besimit të tyre të ri. Në Gjermani kjo dihet më e vonëta që prej zbulimit të të ashtuquajturit "Grupi i Sauerlandit" katër vjet më parë.

Çfarë mendojnë vallë myslimanët që jetojnë paqësisht në Gjermani përballë deklaratëve të tilla në televizionin gjerman? Është e kuptueshme që në një mbrëmje të tillë ata ndihen të përjashtuar dhe jo të pranuar. Edhe momente të tilla mund të helmojnë të menduarit.

Ndërkohë e dimë se burri i arrestuar në lidhje me atentatet në Norvegji nuk është mysliman, përkundrazi një i krishterë radikal. Për të gjitha konkluzionet e tjera është shumë herët. E sigurtë është një gjë: terrori është një akt i urryer. Në radhë të parë për shkak të viktimave. Por edhe sepse helmon në mënyrë masive të menduarit.

Autor: Felix Steiner

Redaktoi: Bahri Cani

(http://www.dwelle.de)

FELIX STEINER


Rating (Votes: )   
    Comments (0)        Dërgoja shokut        Printo


Other Articles:
DEFICITI I DEMOKRACISËNga FRANK SHKRELI (07.22.2011)
GREKËT A MUND TË BËHEN GJERMANË?Nga THOMAS L. FRIEDMAN, New York Times (07.22.2011)
RESPEKT KOMBËTAR PËR BRANKO MANOLOVSKINNga SHABAN MURATI (07.22.2011)
LUFTË E FTOHTË MES SERBISË DHE SHQIPËRISËNga Dr. ALBAN DACI (07.22.2011)
QYTETARI MURDOCH - JO MË I PAPREKSHËMNga KATRINA VANDEN HEUVEL, Washington Post (07.21.2011)
NGA GALIPOLI NË SINGAPORNga MAUREEN DOWD, New York Times (07.20.2011)
KOLAPSI I KAMERONITNga ROGER COHEN, New York Times (07.19.2011)
"GRUEVSKI, BOKSIERI DHE POLITIKANI I KEQ NGA SHKUPI"Nga BEQIR SINA, New York (07.18.2011)
PËRPLASJA E BREZAVENga THOMAS L. FRIEDMAN, New York Times (07.18.2011)
E DREJTA ËSHTË HAKMARRJA QË HEQ DORËNga AMIK KASORUHO (07.17.2011)



 
::| Lajme të fundit
::| Kalendari
Janar 2022  
D H M M E P S
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]