VOAL - Online Zëri i Shqiptarëve

KTHIMI I SHQIPTARËVE NGA GREQIA ËSHTË REALITET. A ËSHTË SHQIPËRIA GATI?

Nga ARTUR VREKAJ


E Hënë, 02.06.2012, 11:44am (GMT1)

Shqiptarët që emigruan në Greqi pas 90-tës po kthehen ditë për ditë përfare, sepse jeta po u bëhet përditë edhe më e vështirë në Greqi, në një vend që është ende në koma e do jetë kështu me vite! Nuk ka shumë rëndësi se ç’plan do hedhë TROJKA: Ndihmën A apo Falimentimin B në tavolinë!

Një shtet që vodhi me hu dhe nuk mbrojti të vetët nuk mund të ndihmojë më emigrantët e në veçanti shqiptarët! Greqia nuk prodhon. Edhe atë pak bum në vitet 90-të ia dhanë shqiptarët. Andreas Papandreu para se të vdiste iu drejtua grekërve se shqiptarët e lulëzuan më shumë Greqinë nga Janina në Athine! Dhe shumë prej tyre shteti grek u ka borxhe për punë të papaguara.

Kthimi ne Shqiperi, ne token e tyre, ne atdheun e tyre eshte tashme nje realitet. Dhimbje dhe shprese. Po te pakten do jene krah te dashurve te tyre qe do hapin shtepite dhe zemrat per ta. Si gjithmone. Por kete radhe me nje besim me shume ne vetvete se jeta e tyre do kete me shume te ardhme!

Demografia e Shqiperise do ndryshoje per mire. Zona rurale do te ringjallet perseri. Po sa e afte eshte Shqiperia qe t'i prese si fryme e re e demokracise shqiptare? Çfare i pret shqiptaret qe kthehen?

Nje e ardhme ne token e tyre per te vene vertet ne pune mendjen dhe krahet per te nisur me themel nje jete te re! Lerini ju pushtetare te rinisin jeten, te lulezoje biznesi i vogel! Se ata kane pare me shume, kane ide me shume. Mos i zhvatni! Mos i keqtrajtoni ! Se ata kane me shume dhimbje, kane me shume dashuri, se ata do rimbjellin SHPRESEN se Shqiperia ka te ardhme!

Me guximtaret do kerkojne me shume kujdes nga pushteti vendor per riintegrimin e tyre. Nëse Shqipëria do ta ngrohë kthimin e madh të shqiptarëve nga Greqia dhe nga Italia, edhe e ardhmja e Shqipërisë do të jetë më e mirë. Dhe s’ka si te ndodhe ndryshe.

Mos harroni se shqiptaret emigrante qe kthehen do te jene shtresa me perparimtare e demokracise shqiptare se ata e kane ne gjak dhimbjen per Shqiperine ne hall, ata kthehen se fati i tyre i drejton serish atje ku linden por kjo nuk duhet pare si disfate. Por si fat per Shqiperine. Ata jane punetoret e vertete, ata do te behen vaji i demokracise shqiptare qe ka zene ndryshk.

Nje strategji kombetare do t'i duhet Shqiperise per riintegrimin e shqiptareve europiane. Ndryshe rruga per ne familjen europiane do te jete me e gjate! Shqiperia eshte ne test. Formati i demokracise shqiptare do te ndryshoje. Shqiperia nuk ka rruge tjeter veç t'u vere ne dispozicion te khtyerve nje infrastrukture institucionale per regjistrim, per strehim emergjent per ato familje ne nevoje, per shkollim te femijeve, kurse speciale per Gjuhen Shqipe ne shkolla, kujdes shendetesor ne ato komuna ku pothuaj s'mbulohen, ide per zhvillimin e biznesit te vogel ne zonat rurale. Me nje ndryshim! Te perfitojne te gjithe si vendasit, si te kthyerit! Kjo do te ndodhe nese Shqiperia do te hedhe themelet e nje tregu te brendshem qe do te favorizoje prodhimet bujqesore dhe artizanale shqiptare! Ose ringjallja e nje tregu shqiptar ne trevat shqiptare ne Ballkan. Gjersa monopolet t'u zene frymen shqiptaret s'kane te ardhme! Nentoka mund te jepet me koncension por mbitoka eshte ashiqare e dukshme! Zoti e ndihmofte çdo familje qe kthen.

ARTUR VREKAJ


Copyright © 2005-2008 Nulled by [x-MoBiLe]. All rights reserved.