Tiranë, 22 dhjetor - Aleanca KuqeZi nis nga sot fushatën e prezantuar kohë më parë dhe tashmë të bërë realitetit. Fushata e Aleances KuqeZi do të trokasë në çdo derë të familjeve shqiptare që jetojnë në emigracion dhe që kanë lindur apo rritur fëmijët e tyre jashtë tokës mëmë.
Aleanca KuqeZi ndërmerr nga sot fushatën "Fol vetëm shqip", duke ndihmuar kështu vullnetarisht të gjithë fëmijët shqiptarë që kanë lindur në emigracion dhe që gjuhën mëmë fare nuk e përdorin. Fushata e Aleancës KuqeZi është një fushatë kundër asimilimit të shqiptareve dhe gjuhës së tyre në rajon, Evropë, madje edhe në kontinentin tjetër.
Aleanca KuqeZi siguruar përmes bashkëpunimit më shtëpinë botuese "Albas" mijëra abetare të cilat do të nisën për në Greqi, Itali, Angli, ShBA, Belgjikë, Preshevë, Mitrovicë dhe kudo ku ka shqiptarë. Aleanca KuqeZi i kërkon mbarë nënave shqiptare që jetojnë në emigrim që fëmijëve të tyre t'u mësojnë gjuhën shqipe si të vetmen gjuhë amtare.
Aleanca KuqeZi i bën thirrje mbarë shqiptarëve në emigrim dhe fëmijëve të tyre që të mbrojnë gjuhën shqipe ashtu sikundër bëjnë Arbëreshët dhe stërnipat e Skenderbut edhe sot pas 500 vitesh. Abetaret në fjalë janë dhurata KuqeZi për fëmijët shqiptarë në emigrim të cilët prindërit e tyre i larguan për një jetë më të mirë.
Abetaret kuqezi janë në dy gjuhë, në gjuhen shqiptare dhe në gjuhën e destinacionit të tyre, pra, për Abetaret që do dërgojmë në Itali, këto Abetare janë në Italisht dhe në Shqip në mënyrë që fëmijët shqiptarë që jetojnë në Italie ta kenë sa më të lehtë për të mësuar ABC-në e gjuhës shqipe.
Aleanca KuqeZi deklaron se për këtë fushatë janë angazhuar të gjithë përfaqësuesit e Aleancës KuqeZi me bazë në Preshevë , Romë, Bruksel, Londër, Michigan, etj.
(http://www.koha.net)
Comments (0)
Dërgoja shokut
Printo
