ZESHKANE E SHKATHËT Nga PABLO NERUDA
E Enjte, 04.03.2014, 05:13pm (GMT+1)
Vashë zeshkane e shkathët, dielli që frutat krijoi, që drithin korri, që algat e detit shkuli, që trupin tënd të gëzuar krinoi, sytë e ty me dritë dhe gojën tënde që buzëqeshjen e ujit mban. Me ankth një diell i zi në flokët e tu shpërdridhet në atë kriftë të errët, kur krahët zgjat. Ti me diellin lodron si me moçalin e detit që pas le në sytë e tu dy pellgje uji të qetë e të zinj. Zeshkane e shkathët, asgjë me ty s'më afron. Çdo gjë e jotja prej teje më largon, si mesdita. Ti je rinia mendje-humbur e bletës, je dehja e vales, ti fuqia e kallirit je. Zemra ime e zymtë, të kërkon, pavarësisht, e dua trupin tënd të gëzuar, zërin tënd të hollë të lirë. Flutur e errët e ëmbël përgjithnjë. si fusha e të korrave dhe dielli, lulekuqja e uji.
Përktheu: EMIL ASDURIAN
|