FËMIJËT JANË SI BALLONAT
Nga ERMA BOMBECK (1927-1996)
E Premte, 04.04.2014, 02:10pm (GMT+1)
Fëmijët janë si ballonat,
e kalon jetën duke kërkuar t'i bësh të shkëputen nga toka.
Vrapon e vrapon së bashku
gjersa mbeteni të dyja palët pa frymë...
Si ballonat, ata përfundojnë në tokë...
e ti i arnon dhe iu jep zemër, i ndreq dhe iu jep udhëzime.
I shikon tek luhaten në erë dhe t'i iu jep siguri
se shumë shpejt do të mësojnë të fluturojnë.
Më në fund janë në ajër:
atje kërkohet t'iu lëshosh me tepër spango dhe ti nuk ua kursen.
E në çdo metër të fillit të spangos
që del nga dora jote
zemra të mbushet me gëzim
dhe trishtim njëherësh.
Ditë pas dite
secila ballonë largohet gjithnjë e më shumë
e ti e ndjen se nuk do të kalojë shumë kohë
para se ajo krijesë e bukur
ta këpusë fillin që iu lidh dhe të ngjitet,
siç është më e mira e të mirave, lirë dhe vetëm.
Vetëm atëherë do ta marrësh vesh
se e ke kryer detyrën tënde.Përktheu: SKËNDER BUÇPAPAJ
|
Comments (0)
Dërgoja shokut
Printo
