VOAL - Online Zëri i Shqiptarëve - NË KOHËN KUR LSI DHE PS ISHIN KUNDËRSHTAâ€‹RË TË BETUAR - LSI: EDI RAMA T'U KËRKOJË FALJE SHQIPTARËVâ€‹E'Lufta NacionalÇlirimtare ishte luftë civile, luftë vëllavrasëse, luftë histerike e drejtuar nga emisarët jugosllavë'

Debati i 5 majit Rama- Meta nuk ka mbaruar. Nënkryetari i Lëvizjes Socialiste për Integrim, Dritan Prifti doli para gazetarëve me shkrimet e kryetarit të Partisë Socialiste, ku ai shkruan se lufta nacional-çlirimtare është një luftë civile.

"Në librin "Refleksione" me autor kryetarin aktual të Partisë Socialiste, zotin Edi Rama, në shkrimin "Kundër ngushtimit të nocionit opozitë", faqja 179, faqja 180 deri 185, është shprehur se "Lufta Antifashiste Nacional- Çlirimtare e popullit shqiptar ishte një luftë civile, ishte një luftë vëllavrasëse, një luftë histerike e drejtuar nga emisarët jugosllavë". Prandaj, Lëvizja Socialiste për Integrim ka mbajtur qëndrimin e saj në ditën e dëshmorëve, sepse këto janë të vërtetat e Edi Ramës. Shprehjet e tij "Lufta Antifashiste Nacional- Çlirimitare e popullit shqiptar ishte një luftë civile", janë shprehje, jo vetëm që ofendojnë popullin socialist, popullin e majtë, familjet e dëshmorëve, veteranët, pasardhësit e veteranëve, por këto shprehje ofendojnë të gjithë shqiptarët.

Në këtë libër Edi Rama ka thënë gjithashtu ekzakt në faqen 182 të librit, se "për sa kohë Partia Socialiste nuk ka bërë denoncimin e plotë të origjinës dhe historisë së saj, ajo nuk mund të ketë të drejtën për të qenë një parti e ligjshme". Këtë që thotë Edi Rama për Partinë Socialiste nuk është problemi i LSI, është problemi i atyre që e kanë zgjedhur Edi Ramën në krye të Partisë Socialiste, e atyre që mbajnë një njeri ekstremist të djathtë në pikëpamje, në krye të Partisë Socialiste. Ne i kërkojmë Edi Ramës që t'i kërkojë falje shqiptarëve, një falje të sinqertë për këto deklarata të papërgjegjshme që ka bërë. T'i kërkojë falje familjeve të dëshmorëve, t'i kërkojë falje veteranëve dhe pasardhësve të tyre, që e ka e quajtur luftën më të lavdishme të popullit shqiptar për liri, një luftë civile dhe një luftë vëllavrasëse" tha Prifti.

Reagimi i LSI vjen fill pas deklarates së socialistëve të cilët i kërkuan falje familjeve të dëshmorëve të rënë në luftë për "sjelljen e pahijshme" të Ilir Metës i cili me 5 maj "Ditën e Dëshmorëve" nuk nguroi të akuzonte kreun socialist Rama se "vuri kurora tradhëtie në monumentin "˜Nënë Shqipëri'".

E Shtune, 10 Maj 2008/Tribuna