Prishtinë  -  Ambasada e Shteteve të Bashkuara të Amerikës ia ka tërhequr vërejtjen, Qeverisë,  Kuvendit dhe politikanëve të tjerë që të mos ndrynë në drejtësi. SHBA-ja nëpërmjet ambasadës së saj në Prishtinë thotë se njerëzit në Kosovë duhet të ndjehen krenarë për luftën e tyre dhe se hetimet e fundit për krime lufte nuk janë kundër UÇK-së, por kundër individëve të dyshuar.

Ambasada Amerikane ka thënë për Kohen Ditore se  akuzat aktuale nuk janë kundër UÇK-së si tërësi por kundër individëve, për krime që pretendohet se janë kryer ndaj viktimave etnike serbe dhe shqiptare. "Apelojmë në opinionin publik dhe institucionet në Kosovë që të përmbahen nga ndërhyrja në një proces të pavarur gjyqësor dhe ta lënë këtë rast që të vazhdojë sipas sundimit të ligjit për të cilin luftuan aq shumë njerëz.

Megjithëse protestat e gjertanishme kanë qenë paqësore ne dëshirojmë të theksojmë se dhuna dhe kërcënimet ndaj zyrtarëve gjyqësorë janë kundër të gjitha vlerave të Kosovës dhe nuk janë të pranueshme në një demokraci" thuhet në deklaratën e Ambasadës së SHBA-së dhënë për Kohën Ditore.

Rating (Votes: )

Comments (0)

Dërgoja shokut

Printo

---